టాలీవుడ్ నటుడు, బాహుబలి ఫేమ్ ప్రభాస్‌తో బాలీవుడ్ నటి కృతి సనన్ డేటింగ్ చేస్తున్నట్లు సోషల్ మీడియాలో వస్తున్న పుకార్లపై కృతి స్పందించింది. నటి తన ఇన్‌స్టాగ్రామ్‌లో అవన్నీ అవాస్తవాలని తేల్చి చెప్పేసింది. తాను ప్రభాస్‌తో డేటింగ్ చేస్తున్నట్లు వస్తున్న వార్తలన్నీ నిరాధారమైనవని స్పష్టం చేసింది. వరుణ్ ధావన్ సరదా కోసం చేసిన కామెంట్లు వైరల్ అయ్యాయి.
అంతేకానీ ఇందులో ఎలాంటి నిజం లేదని చెప్పుకొచ్చింది. కొన్ని పోర్టల్స్ అనవసరంగా రాద్దాంతం చేస్తున్నాయని ఫైర్ అయ్యింది. ప్రభాస్‌తో ప్రేమలో లేనని కృతి సనన్ స్పష్టం చేసింది. కొన్ని వెబ్ సైట్లు తన పెళ్లి ముహూర్తాన్ని ఖరారు చేసేలోపే ఈ వార్తలకు తాను చెక్ పెడుతున్నా. ఆ వార్తల్లో ఎలాంటి నిజం లేదు.
భేదియా ప్రమోషన్స్‌లో భాగంగా వరుణ్ ధావన్, కృతి సనన్ ఓ రియాల్టీ షోలో పాల్గొన్నారు. ఈ సందర్భంగా ప్రభాస్ గురించి వరుణ్ ధావన్ పరోక్షంగా కామెంట్లు చేసాడు. దీనిపై కృతి ప్రస్తుతం క్లారిటీ ఇచ్చేసింది. ఆ వార్తల్లో నిజం లేదని స్పష్టం చేసింది. కాగా ప్రభాస్- కృతి కలిసి నటించిన ఆది పురుష్ వచ్చే ఏడాది జూన్‌లో ప్రేక్షకుల ముందుకు రానుంది.