కళ్యాణానికి గ్రీన్ సిగ్నల్ ఇచ్చిన కాజల్.. రానాతో డేటింగ్‌ లేనట్టేనా?

టాలీవుడ్ అందారల తార కాజల్ అగర్వాల్. సుధీర్ఘకాలంగా సినీ కెరీర్‌ను కొనసాగిస్తోంది. ఇప్పటికీ అగ్ర హీరోల సరసన నటించే అవకాశాలను కొట్టేస్తూ, కుర్రకారు హీరోయిన్లకు గట్టిపోటీనిస్తోంది. అయితే, ఈ చందమామ, గత పుష్కరకాలంగా తన అందచందాలతో టాలీవుడ్‌ ప్రేక్షకులను మెప్పిస్తోంది. 

ఈ నేపథ్యంలో కాజల్‌ అగర్వాల్‌ వచ్చే సంవత్సరం పెళ్ళి పీటలెక్కబోతోందట. ఇప్పటికే ఓ వ్యాపారవేత్తతో పీకల్లోతు ప్రేమలో మునిగిపోయిన కాజల్‌.. ఇంట్లో వారి అంగీకారంతో వచ్చే సంవత్సరం అతగాడిని పెళ్ళాడబోతోందన్న వార్త బాగా హల్‌చల్‌ చేస్తోంది. 

చేతిలో ఉన్న సినిమాలు పూర్తి అయిన వెంటనే పెళ్ళి ముహూర్తం ఉంటుందట. కాకపోతే పెళ్ళి తరువాత కూడా కాజల్‌ నటిస్తుందా?లేదా? అన్న విషయంలో మాత్రం క్లారిటీ లేదు. 

మరోవైపు, టాలీవుడ్ హీరో రానా దగ్గుబాటితో ఈ భామ డేటింగ్ చేస్తున్నట్టు వార్తలు వచ్చాయి. ఎందుకంటే రానా నటించే చిత్రాల్లో కాజల్ హీరోయిన్‌గా ఎంపిక చేస్తున్నారు. దీంతో వీరిద్దరి మధ్య ఏదో సంబంధం ఉందనే గుసగుసలు వినిపించాయి.