ఇప్పట్లో తనకు పెళ్లి చేసుకునే ఉద్దేశ్యం లేదని హీరోయిన్ అంజలి స్పష్టం చేశారు. తెలుగు, తమిళ భాషల్లో మంచి ఫాలోయింగ్ ఉన్న అంజలి.. తాజాగా "ఫాల్" పేరుతో నిర్మించిన వెబ్ సిరీస్‌లో నటించారు. ఈ నెల 9వ తేదీ నుంచి అది డిస్నీ హాట్‌స్టార్‌లో స్ట్రీమింగ్ అవుతోంది.
అయితే, గతంలో తమిళ హీరో జైతో పీకల్లోతు ప్రేమలో మునిగి తేలిన అంజలి.. ఆ తర్వాత వారిద్దరి మధ్య బ్రేకప్‌ అయింది. ఆ తర్వాత వీరిద్దరి ప్రేమపై సాగిన ప్రచారం మటుమాయమైపోయింది. ఈ నేపథ్యంలో అంజలికి వివాహమై అమెరికాలో సెటిల్ అయిపోయిందంటూ సోషల్ మీడియాలో విస్తృతంగా ప్రచారం సాగింది. దీనిపై ఆమె తాజాగా స్పందించారు.
తనకు ఇప్పటికే పెళ్లి అయిపోయిందని, తాను అమెరికాలో నివాసం ఉంటున్నట్టు రకరకాలుగా ప్రచారంసాగుతోందన్నారు. ఈ ప్రచారంలో ఏమాత్రం నిజం లేదన్నారు. పైగా, ఇప్పట్లో పెళ్లి చేసుకోవాలనే ఆలోచన కూడా తనకు లేదని తెలిసింది. తాను ఖచ్చితంగా పెళ్లి చేసుకుంటానని అయితే, సమయం వచ్చినపుడు తన వివాహం జరుగుతుందని, ఈ విషయాన్ని మీడియాకు కూడా చెబుతానని తెలిపారు.