అక్కినేని నాగ చైతన్య, వెంకట్ ప్రభు క్రేజీ కాంబినేషన్‌లో రూపొందుతున్న తెలుగు-తమిళ ద్విభాషా ప్రాజెక్ట్ ‘కస్టడీ’ మే 12న థియేటర్లలో ప్రేక్షకులకు థ్రిల్ అందించడానికి సిద్ధంగా వుంది. ఈ సినిమా టీజర్‌కి ట్రెమండస్ రెస్పాన్స్ రాగా, పోలీసుల గొప్పతనాన్ని తెలిపే ఫస్ట్ సింగిల్ సూపర్ హిట్ అయింది.
ఈరోజు ఈ సినిమా సెకండ్ సింగిల్‌కి సంబంధించిన అప్‌డేట్‌ని అందించారు మేకర్స్. టైమ్‌లెస్ లవ్ అనే పాటను ఈ నెల 23న విడుదల చేయనున్నారు. మాస్ట్రో ఇళయరాజా, అతని కుమారుడు యువన్ శంకర్ రాజా టైమ్‌లెస్ ట్రాక్‌ని స్కోర్ చేసారు. పోస్టర్ సూచించినట్లుగా, ఇది రెట్రో-స్టయిల్ నంబర్.
శ్రీనివాసా సిల్వర్ స్క్రీన్ బ్యానర్‌పై భారీ నిర్మాణ విలువలు, సాంకేతిక ప్రమాణాలతో ఈ సినిమా తెరకెక్కుతోంది. ఈ ప్రతిష్టాత్మక ప్రాజెక్ట్‌ని పవన్‌కుమార్‌ సమర్పిస్తున్నారు.
ఈ చిత్రానికి ఎస్‌ఆర్‌ కతీర్‌ సినిమాటోగ్రఫీ అందించారు. ఈ చిత్రానికి రాజీవ్‌ ప్రొడక్షన్‌ డిజైనర్‌, డివై సత్యనారాయణ ఆర్ట్‌ డైరెక్టర్‌.