మోహన్ లాల్ మహాభారత్‌లో నటిస్తా... రాజమౌళికి ప్రభాస్ మొండిచేయి?

మలయాళ నటుడు మోహన్ లాల్ సారథ్యంలో 'మహాభారత్' నిర్మితంకానుందనే వార్తలు చక్కర్లు కొడుతున్నాయి. ఈ ప్రాజెక్టును వెయ్యి కోట్ల రూపాయల వ్యయంతో చేపట్టనున్నట్టు వార్తలు వచ్చాయి. దీనిపై టాలీవుడ్ హీరో ప్రభాస్ స్ప

మలయాళ నటుడు మోహన్ లాల్ సారథ్యంలో 'మహాభారత్' నిర్మితంకానుందనే వార్తలు చక్కర్లు కొడుతున్నాయి. ఈ ప్రాజెక్టును వెయ్యి కోట్ల రూపాయల వ్యయంతో చేపట్టనున్నట్టు వార్తలు వచ్చాయి. దీనిపై టాలీవుడ్ హీరో ప్రభాస్ స్పందించారు. 'మహాభారత్'లో భీముడి పాత్రకు మోహన్ లాల్ సరైన వ్యక్తి అని, ఈ చిత్రంలో నటించాలని తనను సంప్రదిస్తే మాత్రం నటించేందుకు అంగీకరిస్తానని చెప్పారు. 

రాజమౌళి దర్శకత్వంలో తెరకెక్కిన "బాహుబలి-2" చిత్రం ఈనెల 28వ తేదీన విడుదల కానుంది. దీంతో ఆ సినిమా ప్ర‌చార కార్య‌క్ర‌మంలో బిజీబిజీగా ఉన్నాడు. ఈ సంద‌ర్భంగా ఆయ‌న ఓ ఇంట‌ర్వ్యూలో మాట్లాడుతూ భారీ బడ్జెట్ తో అంతర్జాతీయ స్థాయిలో తెరకెక్కుతున్న ఆ సినిమాలో కీలకమైన భీముడి పాత్రకు మోహన్ లాల్‌ను ఎంపిక చేసుకోవ‌డం స‌రైన నిర్ణ‌య‌మేన‌ని అన్నాడు. అలాగే ఆ సినిమాలో మరేదైన పాత్రకు తనను సంప్రదిస్తే అందులో నటించేందుకు సిద్ధమని తెలిపాడు. 

నిజానికి మహాభారతాన్ని దర్శకధీరుడు ఎస్.ఎస్.రాజమౌళి తెరకెక్కించాలని భావించాడు. బాహుబలి చిత్రం తర్వాత దానిపై కసరత్తులు చేసే అవకాశం ఉన్నట్టు వార్తలు వచ్చాయి కూడా. ఇంతలో మోహన్ లాల్ ఈ ప్రాజెక్టును చేపట్టనున్నట్టు వార్తలు రావడం చర్చనీయాంశంగా మారాయి.