చ‌ర‌ణ్ - బోయ‌పాటి మూవీ సంక్రాంతికి వ‌స్తుందా..?

మెగా ప‌వ‌ర్ స్టార్ రామ్ చ‌ర‌ణ్ - ఊర మాస్ డైరెక్ట‌ర్ బోయ‌పాటి కాంబినేష‌న్లో రూపొందుతోన్న భారీ యాక్ష‌న్ ఎంట‌ర్టైన‌ర్ శ‌ర‌వేగంగా షూటింగ్  జ‌రుపుకుంటుంది. ఇందులో చ‌ర‌ణ్ స‌ర‌స‌న కైరా అద్వానీ న‌టిస్తోంది. ప్ర‌స్తుతం వైజాగ్‌లో షూటింగ్ జ‌రుపుకుంటోంది. అయితే... ఇంకా చేయాల్సింది చాలా ఉంది. అందుచేత ఈ మూవీ సంక్రాంతికి రావ‌డం క‌ష్ట‌మే అనే టాక్ వినిపిస్తోంది. 2 పాట‌లు, 10 రోజుల టాకీ మిన‌హా ఈ సినిమా షూటింగ్ పూర్త‌య్యింది.

ఆ రెండు పాట‌ల్నీ రికార్డ్ చేసేశారు. తెర‌కెక్కించ‌డమే త‌రువాయి. న‌వంబరు చివ‌రిక‌ల్లా షూటింగ్ పార్ట్ పూర్తి చేయాల‌ని భావిస్తోంది చిత్ర‌ బృందం. డిసెంబ‌రులో ప్ర‌మోష‌న్లు మొద‌లెట్టి, సంక్రాంతికి విడుద‌ల చేయాల‌న్న‌ది ప్లాన్. ఎలా వ‌చ్చిందో కానీ.. ఈ మూవీ సంక్రాంతికి రిలీజ్ కాదు అని వార్త‌లు వ‌స్తున్నాయి. దీంతో రంగంలోకి దిగి ఆ వార్త‌ల‌కు ఫుల్‌స్టాఫ్ పెట్టాల‌నుకుంటుంద‌ట చిత్ర‌యూనిట్. ఎట్టి ప‌రిస్థితుల్లోను ఈ చిత్రాన్ని సంక్రాంతి కానుకగా జ‌న‌వ‌రి 11న విడుద‌ల చేసి తీర‌తాం అని అంటున్నారు ద‌ర్శ‌కుడు బోయ‌పాటి. అదీ..సంగ‌తి..!