దక్షిణ భారత తెలుగు చిత్ర పరిశ్రమలో తనకంటూ ప్రత్యేక గుర్తింపును తెచ్చుకున్న హీరోయిన్ నయనతార. 2003లో వెండితెరపై అరంగేట్రం చేసిన ఈ ముద్దుగుమ్మకు ప్రస్తుతం 35 యేళ్లు. ఈ మధ్యకాలంలో ఈ అమ్మడు పడిన కష్టాలు అన్నీఇన్నీకావు. ముఖ్యంగా, పలువురుతో ప్రేమాయణం జరిపింది. ఇందులో తొలుత తమిళ హీరో శింబు. ఆ తర్వాత ప్రముఖ డ్యాన్సర్ ప్రభుదేవాతో రొమాన్స్ చేసింది. నయనతార కోసం ప్రభుదేవా తన భార్య రమ కోసం ఏకంగా విడాకులు కూడా ఇచ్చాడు. కానీ, ప్రభుదేవా - నయనతారలు విడిపోయారు.
ఆ తర్వాత కోలీవుడ్ దర్శకుడు విఘ్నేష్ శివన్తో ప్రేమలోపడింది. ఈ దర్శకుడు కూడా ఈ అమ్మడుపై పిచ్చి ప్రేమను చూపిస్తున్నాడు. ఇప్పటికే వీరిద్దరూ ఎంచక్కా విదేశీ టూర్లకు వెళ్లి వస్తున్నారు. ఈ క్రమంలో ఇకపై బ్యాచిలర్ జీవితానికి ఫుల్స్టాఫ్ పెట్టి... తన ప్రియుడిని వివాహం చేసుకోవాలని నయన్ కుట్టి ఓ నిర్ణయానికి వచ్చిందట. వీరిద్దరి పెళ్లికి సంబంధించిన అధికారిక ప్రకటన త్వరలోనే వెల్లడికావొచ్చని తెలుస్తోంది.
కాగా, 2006లో తెలుగులోకి "లక్ష్మి" చిత్రం ద్వారా ఎంట్రీ ఇచ్చింది. ఈమె తెలుగులో అగ్ర హీరోలు చిరంజీవి, బాలకృష్ణ, వెంకటేష్, ప్రభాస్, జూనియర్ ఎన్టీఆర్ వంటి అనేక మంది హీరోలందరితో కలిసి నటించింది. ప్రస్తుతం అటు తమిళం, ఇటు తెలుగులో లేడీ సూపర్ స్టార్ హోదాను సొంతం చేసుకుంది.