మోక్షజ్ఞతో శ్రీలీల మాటామంతి... ఫోటోలు వైరల్

Sreeleela

నందమూరి హీరో బాలకృష్ణ ప్రస్తుతం అనిల్ రావిపూడి దర్శకత్వంలో భగవంత్ కేసరి చిత్రం షూటింగ్‌లో బిజీ బిజీగా వున్నారు. ఈ సినిమా దసరా కానుకగా సినీ ప్రేక్షకుల ముందుకు రానుంది. ఇందులో టాలీవుడ్ చందమామ కాజల్ అగర్వాల్ హీరోయిన్‌గా నటిస్తుండగా, శ్రీలీల కీలక పాత్రలో కనిపిస్తోంది. ఈ సినిమా షూటింగ్ సెట్స్‌లో ఓ ఆసక్తికరమైన ఘటన చోటుచేసుకుంది.

ఈ మూవీ సెట్స్‌లోకి బాలయ్య తనయుడు మోక్షజ్ఞ ఎంట్రీ ఇచ్చాడు. బ్లాక్ షర్ట్ వేసుకుని స్టైల్‌గా కళ్లజోడుతో అందరినీ ఆకట్టుకున్నాడు. ఈ సందర్భంగా మోక్షజ్ఞతో శ్రీలీల మాటామంతీ ఫోటోలు నెట్టింట వైరల్ అవుతున్నాయి. శ్రీలీల-మోక్షజ్ఞతో ముచ్చటించిన ఫోటోలు సోషల్ మీడియాలో ట్రెండ్ అవుతున్నాయి. ఈ ఫోటోలపై నెటిజన్లు రకరకాలుగా స్పందిస్తున్నారు.