బేబీ బంప్‌తో ఉపాసన.. పండగ చేసుకుంటున్న మెగా ఫ్యాన్స్ (video)

Upasana

మెగా అభిమానులకు గుడ్ న్యూస్. మెగా కోడలు తల్లి కాబోతుందనే వార్త ప్రస్తుతం నెట్టింట వైరల్ అవుతోంది. మెగా కోడలు, రామ్ చరణ్ సతీమణి ఉపాసన గురించి ప్రత్యేకంగా పరిచయం అవసరం లేదు. ఓ వైపు మెగా కోడలుగా మరోవైపు అపోలో హాస్పిటల్ బాధ్యతలను చూసుకుంటూ ఎంతో బిజీగా ఉన్నారు.

ఇక ఉపాసన రాంచరణ్ వివాహం జరిగి 10 సంవత్సరాలు పూర్తయింది. తాజాగా గణేష్ నిమజ్జనం కార్యక్రమంలో పాల్గొని ఉపాసన సందడి చేశారు. ఈ క్రమంలోనే ఉపాసన సైతం తన డ్రైవర్ ఇంటికి గణేష్ నిమజ్జన కార్యక్రమానికి వెళ్లారు. 

ఇలా ఈమె గణేష్ నిమజ్జనంలో సందడి చేస్తున్న సమయంలో ఈమె బేబీ బంప్ క్లియర్‌గా కనిపించడంతో ఉపాసన ప్రెగ్నెంటా అంటూ పెద్ద ఎత్తున సందేహాలు వ్యక్తం అవుతున్నాయి. ఇకపోతే ఉపాసన రాంచరణ్ గణేష్ విగ్రహం పట్టుకున్నటువంటి ఫోటోలో కూడా ఈమె బేబీ బంప్ క్లియర్‌గా కనిపిస్తోంది.

ఈ విధంగా గణేష్ నిమజ్జన కార్యక్రమాలలో భాగంగా సందడి చేసిన ఉపాసన ఒక్కసారిగా బేబీ బంప్ తో కనిపించడంతో మెగా అభిమానులు మాత్రం హర్షం వ్యక్తం చేస్తున్నారు. 

ఇక ఉపాసనలో కూడా శారీరకంగా మార్పులు చోటు చేసుకోవడంతో ఈమె కచ్చితంగా గర్భం దాల్చిందని అయితే ఈ విషయాన్ని అధికారికంగా వెల్లడించలేదని పలువురు భావిస్తున్నారు.