మహేష్ కు తల్లిగా హీరోయిన్ న‌టిస్తోంది!

Mahesh Babu

త్రివిక్రమ్‌ సినిమాలో ఇద్దరు హీరోయిన్లు చాలా కామన్. అలాగే ఆయన సినియర్‌ హీరోయిన్లకు కూడా తన సినిమాలో కీలక పాత్రలు ఇస్తుంటారు. అలా అత్తారింటికి దారేదిలో నదియా,  అజ్ఞాతవాసిలో ఖుష్బూ, అల వైకుంఠపురములో టబు వంటి వారు ముఖ్యపాత్రల్లో మెరిసిన సంగతి తెలిసిందే. ఇప్పుడు మరో హీరోయిన్ రాధకు కీలక పాత్ర ఆఫర్ చేసినట్టు సమాచారం. సూపర్‌స్టార్‌ మహేశ్‌ బాబు- త్రివిక్రమ్‌ శ్రీనివాస్‌ కాంబినేషన్‌లో ఓ సినిమా రూపొందుతున్న సంగతి తెలిసిందే. 

ఈ మధ్యనే పూజా కార్యక్రమాలతో లాంఛనంగా ప్రారంభమైన ఈ సినిమా రెగ్యులర్‌ షూటింగ్‌ త్వరలోనే ప్రారంభం కానుంది. అయితే ఈ సినిమాకు సంబంధించి ఒక ఆసక్తికర వార్త సోషల్‌ మీడియాలో తెగ వైరల్‌ అవుతుంది. అదేంటంటే.. ఈ సినిమాలో ఒకప్పటి స్టార్‌ హీరోయిన్‌ రాధ కీలక పాత్రలో కనిపించనుందట. మహేష్ తల్లి పాత్ర కోసం మేకర్స్‌ ఆమెను సంప్రదించినట్లు చెబుతన్నారు. దానికి ఆమె గ్రీన్ సిగ్నల్ ఇచ్చారని సమాచారం. 90లలో ఎన్నో సూపర్‌హిట్‌ చిత్రాల్లో నటించిన రాధ పెళ్లి తర్వాత సినిమాలకు గుడ్ బై చెప్పేసింది. అయితే ఈ సినిమాతో ఆమె వెండితెరపై రీఎంట్రీ ఇవ్వనున్నట్లు తెలుస్తోంది.