బాల నటుడిగా లిటిల్ సోలీజెర్స్ తో పేరు తెచ్చుకున్న తరుణ్ కథానాయకుడిగా నువ్వే కావాలి అంటూ అప్పటి యూత్ లో క్రేజ్ సంపాదించాడు. ఆ తర్వాత కొన్ని సినిమాల్లో నటించాడు. కానీ ఆ తర్వాత కెరీర్ పరంగా వెనుకంజ వేశాడు. మరోవైపు పబ్ వ్యాపారంలోనూ రాణించాడు. కానీ అదే ఆయన కెరీర్ పతనం చేసేలా తయారైంది. డ్రెగ్స్ వాడుతున్నారంటూ పబ్ ను సీజ్ చేయడం జరిగింది. ఆ తర్వాత కొంత గ్యాప్ తీసుకుని మళ్ళీ సినిమాలవైపు ద్రుష్టి పెట్టాలని చూశారు. ఎందుకనే వర్కవుట్ కాలేదు. ఆ తర్వాత కొంత డిప్రషన్ లో వున్నట్లు వార్తలు కూడా వచ్చాయి. వాటిని తట్టుకుని బయటపడినట్లు అనిపిస్తుంది.
తాజాగా మళ్ళీ నటుడిగా వెలుగులోకి రావడానికి ప్రయత్నాలు చేస్తున్నాడు. అందుకే ఒకటి రెండు సినిమా ప్రీరిలీజ్ ఫంక్షన్లకు హాజరవుతున్నారు. తాజాగా ఓ ఫంక్షన్ లో ఆయన అన్న మాటలు కెరీర్ వైపు ద్రుష్టి పెట్టినట్లు తెలుస్తోంది. ప్రస్తుతం రెండు ప్రాజెక్ట్స్‌ చేస్తున్నానని.. అందులో ఒకటి సినిమా కాగా.. ఇంకోటి వెబ్ సిరీస్ అంటూ చెప్పాడు. అదీకాకుండా టీవీ తెరపై కూడా కన్పించనున్నట్లు తెలుస్తోంది. మరి తన తర్వాత తరం హీరోలుగా ముందుకు సాగుతుండడంతో వారితో కలిసేలా వుండాలని తాపత్రయం కన్పిస్తుంది. మరి సక్సెస్ అవుతుందో లేదో చూడాలి.