టాలీవుడ్ సూపర్ స్టార్ మహేశ్ బాబు విదేశీ భామతో రొమాన్స్ చేయనున్నారు. దర్శక ధీరుడు ఎస్ఎస్ రాజమౌళి తెరకెక్కించే చిత్రంలో హీరోయిన్‌గా విదేశీ భామను ఎంపిక చేయనున్నట్టు ఫిల్మ్ నగర్‌లో జోరుగా ప్రచారం సాగుతుంది. నిజానికి ఈ ప్రాజెక్టుపై అధికారిక ప్రకటన వెలువడినప్పటి నుంచి పని చేసే టెక్నీషియన్లు, నటీనటులు ఎవరన్నదానిపై సర్వత్రా ఆసక్తి నెలకొంది.
ముఖ్యంగా, హీరోయిన్ ఎవరన్నదానిపై ఉత్కంఠ నెలకొంది. ఇందులోభాగంగా, దర్శకుడు రాజమౌళి అనేక మంది పేర్లను పరిశీలించారు. ఈ క్రమంలోనే తమ సినిమాకు అంతర్జాతీయంగా ఉన్న మార్కెట్‌ను దృష్టిలో ఉంచుకుని మహేశ్ బాబు సరసన ఓ విదేశీ భామను ఎంపిక చేస్తున్నట్టు ప్రచారం సాగుతుంది.
ఇండోనేషియా హీరోయిన్ చెల్సియా ఎలిజబెత్‌తో పాటు మరో ఇద్దరు ఫారిన్ భామల పేర్లు కూడా రాజమౌళి జాబితాలో చేరాయి. అయితే, ఎవరిని తీసుకోవాలన్న అంశంపై ఇంకా ఓ క్లారిటీ రాలేదు. ఈ ప్రాజెక్టు గురించిన పూర్తి వివరాలతో వచ్చే నెలలో ఓ అధికారిక ప్రకటన రావొచ్చని తెలుస్తుంది.