అమీర్ ఖాన్‌తో 'మహాభారతం' చిత్రంపై మాట్లాడా... కానీ...? రాజమౌళి

బాహుబలి 2 చిత్రం ఏప్రిల్ 28న విడుదల కాబోతోంది. ఈ చిత్రంపైన భారతదేశ వ్యాప్తంగా భారీ అంచనాలు నెలకొని వున్నాయి. ఇకపోతే ఈ చిత్రం తర్వాత రాజమౌళి చేపట్టబోయే ప్రాజెక్టు ఏంటనే దానిపై చర్చ మొదలైంది. రాజమౌళి ఎక్కడ కనబడినా మీ నెక్ట్స్ ప్రాజెక్ట్ ఏంటని ప్రశ్నలు

బాహుబలి 2 చిత్రం ఏప్రిల్ 28న విడుదల కాబోతోంది. ఈ చిత్రంపైన భారతదేశ వ్యాప్తంగా భారీ అంచనాలు నెలకొని వున్నాయి. ఇకపోతే ఈ చిత్రం తర్వాత రాజమౌళి చేపట్టబోయే ప్రాజెక్టు ఏంటనే దానిపై చర్చ మొదలైంది. రాజమౌళి ఎక్కడ కనబడినా మీ నెక్ట్స్ ప్రాజెక్ట్ ఏంటని ప్రశ్నలు ఎదురవుతున్నాయి. కొందరైతే మహాభారతం అవునా.. అని అడుగుతున్నారు. దీనిపై తాజాగా రాజమౌళి స్పందించారు. 

అవును... గతంలో ఈ చిత్రం గురించి నటుడు అమీర్ ఖాన్ తో చర్చించాను. ఆయనకు ఈ చిత్రంపై ఎంతో ఆసక్తి వుంది. మహాభారతం ప్రాజెక్టు గురించి ఆయనతో కొద్దిసేపు చర్చించాను. ఐతే బాహుబలి తర్వాత మహాభారతం అని మాత్రం చెప్పలేను. ఎప్పుడు వుంటుందో తెలియదు అని అన్నారు. విశ్వసనీయ సమాచారం ప్రకారం ఈగ 2 చిత్రం కోసం కసరత్తు చేస్తున్నట్లు చెపుతున్నారు. ఐతే అంతకంటే ముందు ఓ నాలుగైదు నెలలు విశ్రాంతి కోసం విహార యాత్ర చేయనున్నట్లు టాలీవుడ్ న్యూస్.