మహేష్‌తో మూవీ కోసం స్క్రిప్టు సిద్ధం చేస్తున్న జక్కన్న? (video)

టాలీవుడ్ డాషింగ్ డైరెక్టర్ ఎస్ఎస్ రాజమౌళి. టాలీవుడ్ సూపర్ స్టార్ మహేష్ బాబు. వీరిద్దరి కాంబినేషన్‌లో ఓ చిత్రం చూడాలన్నది సినీ అభిమానులు ఎప్పటి నుంచో కోరుకుంటున్నారు. కానీ, అది ఇంతవరకు సాధ్యపడలేదు. మరో రెండేళ్ళ తర్వాత అభిమానుల కోరిక నెరవేరే అవకాశాలు పుష్కలంగా ఉన్నాయి. ఎందుకంటే.. ప్రస్తుతం మహేష్ బాబుతో ఓ సినిమా చేయడానికి దర్శకుడు రాజమౌళి ఓ కథను సిద్ధం చేస్తున్నారనే ప్రచారం టాలీవుడ్ ఫిల్మ్ నగర్‌లో జోరుగా సాగుతోంది. 

నిజానికి ప్రస్తుతం రాజమౌళి "ఆర్ఆర్ఆర్" ప్రాజెక్టును తెరకెక్కిస్తున్నారు. జూనియర్ ఎన్టీఆర్, రాంచరణ్‌లు హీరోలు. ఈ మల్టీస్టారర్ మూవీని ప్రముఖ నిర్మాత డీవీవీ దానయ్య నిర్మిస్తున్నారు. ఇప్పటికే 70 శాతం షూటింగ్ పూర్తి చేసుకున్న ఈ చిత్రం కరోనా లాక్డౌన్ కారణంగా వాయిదాపడింది. దీంతో 'ఆర్ఆర్ఆర్' నిర్మాణం పూర్తవడంలో జాప్యం జరుగుతోంది. షూటింగుకి ఏర్పాట్లు జరుగుతున్నా, ఎప్పుడు మొదలవుతుందో తెలియని పరిస్థితి నెలకొంది.

ఈ నేపథ్యంలో ప్రస్తుతం దొరికిన ఖాళీ సమయాన్ని సద్వినియోగం చేసుకుంటూ.. రాజమౌళి ఇప్పుడు మహేశ్ చిత్రానికి సంబంధించిన స్క్రిప్టు పనిపై కూర్చున్నట్టు తాజా సమాచారం. మహేశ్ ఇమేజ్‌కి తగ్గా స్టోరీ లైన్ ఇప్పటికే రాజమౌళి అనుకున్నప్పటికీ, దానికి ఇప్పుడు ఓ తుది రూపాన్ని ఇస్తున్నట్టు చెబుతున్నారు. రాజమౌళి 'ఆర్ఆర్ఆర్', మహేశ్ చేస్తున్న 'సర్కారు వారి పాట' చిత్రాలు పూర్తయ్యాక ఈ భారీ ప్రాజక్టు సెట్స్‌కి వెళుతుంది. పాన్ ఇండియా చిత్రంగా నిర్మించే ఈ చిత్రంలో మహేశ్‌ని రాజమౌళి ఎటువంటి పాత్రలో చూపిస్తాడన్నది ఆసక్తికరం