యంగ్ టైగర్ ఎన్టీఆర్ ప్రస్తుతం ఆర్ఆర్ఆర్ మూవీలో నటిస్తున్న విషయం తెలిసిందే. దర్శకధీరుడు రాజమౌళి దర్శకత్వంలో రూపొందుతోన్న ఆర్ఆర్ఆర్ ఇప్పటివరకు 75 శాతం షూటింగ్ పూర్తి చేసుకుంది. పూణెలో ప్లాన్ చేసిన షెడ్యూల్‌తో షూటింగ్ పూర్తి కానుంది. ఈ సినిమా తర్వాత ఎన్టీఆర్ మాటల మాంత్రికుడు త్రివిక్రమ్ శ్రీనివాస్‌తో సినిమా చేయనున్న విషయం తెలిసిందే.
ఈ సినిమాని ప్రముఖ నిర్మాణ సంస్థలు హారిక అండ్ హాసిని క్రియేషన్స్, ఎన్టీఆర్ ఆర్ట్స్ సంయుక్తంగా నిర్మిస్తున్నాయి. ఈ సమ్మర్ లోనే సెట్స్ పైకి వెళ్లింది కానీ... కరోనా వలన ప్లాన్ మారింది. ఈ మూవీ గురించి ఓ ఇంట్రస్టింగ్ న్యూస్ ఒకటి బయటకు వచ్చింది. అది ఏంటంటే.... ఇందులో బాలీవుడ్ స్టార్ హీరో సంజయ్ దత్ ఓ కీలక పాత్ర పోషిస్తున్నాడని.
ఇంతకీ పాత్ర ఏంటంటే... రాజకీయ నాయకుడి పాత్ర అని సమాచారం. అలాగే ఎన్టీఆర్ పాత్ర కూడా రాజకీయ నాయకుడి పాత్రే అంటూ వార్తలు వస్తున్నాయి. గతంలో ఈ సినిమా పొలిటికల్ మూవీ అంటూ ప్రచారం జరిగింది. అయితే... ఎన్టీఆర్ ఈ టైమ్ లో పొలిటికల్ మూవీ చేయరు. అందుచేత ప్రచారంలో ఉన్న ఈ వార్త గాసిప్ అని నందమూరి అభిమానులతో పాటు చాలా మంది అలాగే అనుకున్నారు.
ప్రస్తుతం వస్తున్న వార్తలు చూస్తుంటే... ఇది పొలిటికల్ మూవీనే అనిపిస్తుంది. ఎన్టీఆర్ - సంజయ్ దత్ పైన సన్నివేశాలు చాలా ఇంట్రస్టింగ్ గా ఉంటాయి అంటున్నారు. ఇదే కనుక నిజమైతే... ఎన్టీఆర్ అభిమానులకు పండగే.