మజిలీ, ఓ.. బేబీ చిత్రాలతో ఇటీవల సక్సస్ సాధించిన సమంత తదుపరి చిత్రం ఎవరితో చేయనుంది..? అనేది ఇప్పటివరకు ఎనౌన్స్ చేయలేదు. దీంతో సమంత నెక్ట్స్ మూవీ ఎవరితో అనేది ఆసక్తిగా మారింది. తమిళ దర్శకడుతో ఓ సినిమా చేయనున్నట్టు వార్తలు వచ్చాయి. ఆ తర్వాత బాలీవుడ్ మూవీ చేయనున్నట్టుగా కూడా టాక్ వినిపించింది.
తాజా వార్త ఏంటంటే... సమంత ప్రముఖ నిర్మాణ సంస్థ ప్రముఖ నిర్మాణ సంస్థ సోనీ పిక్చ‌ర్స్ బ్యానర్లో సినిమా చేయనున్నట్టు తెలిసింది. ఇది ఓ లేడీ ఓరియంటెడ్ మూవీ అని.. ఓ కొత్త ద‌ర్శకుడు దీనికి దర్శకత్వం వహించనున్నారని టాక్. విభిన్న కథాంశంతో రూపొందే ఈ సినిమాని తెలుగు, తమిళ భాష‌ల్లో రూపొందిస్తున్నారు.
ఈ మూవీకి సంబంధించి లాక్ డౌన్‌కి ముందే అగ్రిమెంట్స్ జ‌రిగాయని తెలిసింది. షూటింగ్ ఎప్పుడు మొద‌లైనా స‌రే... సింగిల్ షెడ్యూల్లో ఈ సినిమాని పూర్తి చేసేలా ప్లాన్ చేస్తున్నారు. మ‌రోవైపు సమంత కోసం స‌రికొత్త క‌థ‌లు సిద్ధం అవుతున్నాయి. సింగీతం శ్రీ‌నివాస‌రావు ద‌ర్శ‌కత్వంలో బెంగ‌ళూరు నాగ‌ర‌త్న‌మ్మ బ‌యోపిక్ రూపొందుతోంది.
ఈ సినిమా కోసం సమంతని సంప్రదించినట్టు సమాచారం. ఈ చిత్రాన్ని పీపుల్ మీడియా ఫ్యాక్టరీ సంస్థ నిర్మించనుంది. మరి.. ఈ బయోపిక్‌లో సమంత నటించనుందో లేదో త్వరలోనే క్లారిటీ రానుందని సమాచారం.