దర్శకుడు సందీప్ రెడ్డి వంగా తన తదుపరి చిత్రంలో ప్రభాస్‌తో కలిసి పని చేయనున్నారు. దర్శకుడు సినిమా టైటిల్‌ను స్పిరిట్‌గా ప్రకటించాడు. ఈ సినిమా పనులు ఇంకా ప్రారంభం కాలేదు. అయితే ఈ సినిమాలో ఓ కొరియన్ యాక్టర్‌ని తీసుకుంటారనే ప్రచారం జరుగుతోంది.
ఈ చిత్రంలో దక్షిణ కొరియా నటుడు మా డాంగ్-సియోక్ విలన్‌గా ఎంపికయ్యారని సోషల్ మీడియా కోడైకూస్తోంది. మా డాంగ్-సియోక్ జోంబీ చిత్రం ట్రైన్ టు బుసాన్‌తో బాగా పాపులర్ అయ్యాడు. ఇంకా ఎంసీయూ ఎటర్నల్స్, ది అవుట్‌లాస్, అన్‌స్టాపబుల్, ది బ్యాడ్ గైస్: రీన్ ఆఫ్ ఖోస్, ది గ్యాంగ్‌స్టర్, ది కాప్, ది డెవిల్‌లో కూడా కనిపించాడు.
కానీ, సందీప్ రెడ్డి వంగా నటీనటుల ఎంపిక ప్రక్రియను ప్రారంభించలేదని, ప్రభాస్ మినహా మరెవరినీ ఇంకా ఖరారు చేయలేదని చిత్ర యూనిట్ సన్నిహిత వర్గాలు వెల్లడించాయి. గతంలో త్రిప్తి దిమ్రీ కథానాయికగా నటిస్తుందని పుకార్లు వచ్చాయి. కానీ దర్శకుడు దానిని ఖండించాడు. తారాగణం, సాంకేతిక నిపుణుల పూర్తి వివరాలు త్వరలో వెల్లడికానున్నాయి.