రూ.4.97 కోట్ల పన్ను ఎగ్గొట్టిన రాధిక.. పన్ను కట్టకుంటే శరత్ కుమార్ అరెస్టు?
ప్రముఖ సీనియర్ సినీ నటి రాధిక సారథ్యంలోని రాడాన్ మీడియా నెట్‌వర్క్ భారీ మొత్తంలో పన్ను ఎగవేతకు పాల్పడింది. ఆ పన్ను మొత్త విలువ ఎంతో తెలుసా? ఏకంగా రూ.4.97 కోట్లు. ఈ మేరకు పన్ను ఎగవేసినట్టు ఐటీ అధికారుల
ప్రముఖ సీనియర్ సినీ నటి రాధిక సారథ్యంలోని రాడాన్ మీడియా నెట్‌వర్క్ భారీ మొత్తంలో పన్ను ఎగవేతకు పాల్పడింది. ఆ పన్ను మొత్త విలువ ఎంతో తెలుసా? ఏకంగా రూ.4.97 కోట్లు. ఈ మేరకు పన్ను ఎగవేసినట్టు ఐటీ అధికారుల విచారణలో కూడా రాధిక అంగీకరించారు. దీంతో ఆమెతో పాటు.. రాడాన్ సంస్థపై కొరఢా ఝుళిపించేందుకు ఐటీ శాఖ సిద్ధమైంది.
ముఖ్యంగా ఆర్కేనగర్‌ ఎన్నికల సందర్భంగా అధికార అన్నాడీఎంకే నాయకుల నుంచి భారీగా నగదును అందుకుని ఆ పార్టీ అభ్యర్థి దినకరన్‌కు చివరిక్షణంలో శరత్‌కుమార్‌ మద్దతు ఇచ్చినట్లు ప్రచారం జరిగింది. ఈ నేపథ్యంలోనే ఐటీ అధికారులు శరత్‌కుమార్‌ నివాసంతో పాటు, ఆయన సతీమణి రాధిక నడుపుతున్న రాడాన్ సంస్థ కార్యాలయంలో కూడా సోదాలు జరిపారు.
రెండుసార్లు నోటీసులు జారీ చేసిన నేపథ్యంలో బుధవారం వారిద్దరూ ఐటీ శాఖ కార్యాలయంలో విచారణకు హాజరయ్యారు. ఈ విచారణలో రాడాన్ సంస్థ రూ.4.97 కోట్ల మేర పన్ను ఎగవేసినట్లు తేలిందని ఐటీ వర్గాలు తెలిపాయి. కాగా, ఆ మొత్తం చెల్లించేందుకు రాధిక, శరత్ కుమార్ అంగీరించినట్లు సమాచారం.