టాలీవుడ్ అందాల భామల్లో ఒకరైన రాశీఖన్నా కూడా స్పెషల్ సాంగ్‌లో చిందేయడానికి సిద్ధమైంది. 'మాస్ మహరాజ్' రవితేజ హీరోగా నటిస్తున్న చిత్రం "రాజా ది గ్రేట్''లో రాశీ ఓ స్పెషల్ సాంగ్‌లో ఆడిపాడబోతుంది. ఈ విషయాన్ని ఆమె స్వయంగా తన సోషల్ మీడియా ఖాతా ట్విట్టర్ ద్వారా వెల్లడించింది. స్పెషల్ సాంగ్‌తో పాటు అతిథి పాత్రలోనూ కన్పించే అవకాశాలున్నాయని ట్వీట్ చేసింది.
కాగా, ఈ చిత్రానికి సంబంధించి ఇప్పటికే రిలీజైన ఫస్ట్‌లుక్, టీజర్ ఫ్యాన్స్‌ను అలరిస్తుండగా ఇప్పుడు రాశీ స్పషల్ సాంగ్‌తో సినిమాపై అంచనాలు మరింతగా పెంచేశాయి. అనిల్‌ రావిపూడి దర్శకత్వం వహిస్తున్న 'రాజా ది గ్రేట్'లో రవితేజ అంధుడి పాత్రలో కన్పించనున్న విషయం తెల్సిందే.
ఇందులో రవితేజ కుమారుడు మహాధన్‌ ఎంట్రీ ఇస్తుండగా, రవితేజ తల్లిగా ప్రముఖ నటి రాధిక నటిస్తోంది. దిల్‌రాజు నిర్మాతగా వ్యవహరిస్తున్న ఈ మూవీలో మెహరీన్‌ హీరోయిన్. ప్రస్తుతం శరవేగంగా షూటింగ్ జరుపుకుంటున్న ఈ సినిమాని అక్టోబర్‌లో విడుదల చేయాలన్న ప్లాన్‌లో నిర్మాత ఉన్నట్టు తెలుస్తోంది.