నగ్మా - శరత్ కుమార్ రొమాన్స్... రాయ్ లక్ష్మీ "జూలీ 2" కథ?

టాలీవుడ్ హాటెస్ట్ హీరోయిన్ రాయ్ లక్ష్మీ ప్రధాన పాత్రధారిగా తెరకెక్కించిన చిత్రం "జూలీ 2". ఈ చిత్రం శుక్రవారం హిందీ, తమిళ భాషల్లో విడుదలకానుంది. ఈ చిత్రం కథ ఓ స్టార్ హీరోయిన్ రియల్ లైఫ్ స్టోరీ‌గా తెలుస

టాలీవుడ్ హాటెస్ట్ హీరోయిన్ రాయ్ లక్ష్మీ ప్రధాన పాత్రధారిగా తెరకెక్కించిన చిత్రం "జూలీ 2". ఈ చిత్రం శుక్రవారం హిందీ, తమిళ భాషల్లో విడుదలకానుంది. ఈ చిత్రం కథ ఓ స్టార్ హీరోయిన్ రియల్ లైఫ్ స్టోరీ‌గా తెలుస్తోంది.

ఇదే అంశంపై చిత్ర సమర్పకుడు పహ్లాజ్ నిహ్లాని స్పందిస్తూ, '1990ల చివరలోని ఓ పాపులర్‌ హీరోయిన్‌ జీవితకథ ఆధారంగా మా చిత్రం రూపుదిద్దుకొంది. అయితే ఆమె పేరుని మాత్రం నేను చెప్పలేను. మరో ముఖ్యమైన విషయమేమిటంటే మా సినిమాలో కీలక పాత్ర పోషించిన నటుడితో కూడా ఆ హీరోయిన్‌కు అనుబంధముంది. ఆమె పేరు వెల్లడించడం వల్ల మా సినిమా ఆగిపోయే ప్రమాదం ఉంది కనుక ఆ పని మాత్రం చేయలేను. శుక్రవారం సినిమా చూసే ప్రతి ఒక్కరికీ రాయ్‌ లక్ష్మి పోషించిన రియల్‌ లైఫ్‌ హీరోయిన్‌ పాత్ర ఎవరిదో అర్థమై పోతుంది' అని ఆమె వ్యాఖ్యానించారు. 

అయితే, ఆ హీరోయిన్ పేరు వెల్లడించడానికి నిరాకరించారు. కానీ, ఆ హీరోయిన్ గురించి క్లూస్ ఇచ్చారు. 'ఆమె హిందీ సినిమాలతో కెరీర్‌ ప్రారంభించింది. ఆ తర్వాత తెలుగు చిత్రరంగానికి వెళ్లింది. టాప్‌ హీరోయిన్‌గా అక్కడ ఓ వెలుగు వెలిగింది. ఆ తర్వాత అవకాశాలు తగ్గడంతో తమిళ చిత్రరంగానికి వెళ్లింది. అప్పటికే పెళ్లయిన ఓ తమిళ హీరోతో ఎఫైర్‌ పెట్టుకోవడం వల్ల అది వివాదాస్పదమైంది. దాంతో ఆ తర్వాత ఆమె భోజ్‌పురి సినిమాల్లో నటించి, చివరకు వెండితెరకు దూరమైంది' అని వివరించారు. పహ్లాజ్ నిహ్లాని ఇచ్చిన క్లూస్ ప్రకారం ఆ హీరోయిన్ నగ్మా అని ఎవరికైనా ఇట్టే అర్థమైపోతుంది.