తనకు ఫిజియో థెరపీ చేసిన లేడీ డాక్టర్‌ను సీక్రెట్‌గా పెళ్లాడిన ప్రభుదేవా

ప్రభుదేవా రహస్యంగా రెండో పెళ్లి చేసుకున్నారనీ, తన భార్యతో చెన్నైలో కొత్త కాపురం పెట్టాడని కోలీవుడ్ జనం చెప్పుకుంటున్నారు. ఈ సంగతి ప్రభుదేవాకు ఆప్తమిత్రుడు ఒకరు బయటకు చెప్పినట్లు కోలీవుడ్ సినీజనం చెపుతున్నారు.

కాగా ప్రభుదేవా గత కొంతకాలంగా వెన్ను నొప్పితో బాధపడుతున్నారు. ఈ వెన్ను నొప్పిని నయం చేయించుకునేందుకు ఓ మహిళా వైద్యురాలి దగ్గరకి వెళ్తుండేవాడు. ఈ క్రమంలో ప్రభుదేవా ఆమెతో కనెక్ట్ అయ్యాడట. తన ప్రేమిస్తున్న విషయం చెప్పడంతో ఆమె కూడా గ్రీన్ సిగ్నల్ ఇచ్చిందట.

దానితో గత సెప్టెంబరు నెలలో ఆమెను వివాహం చేసుకున్నట్లు చెపుతున్నారు. ఐతే తను పెళ్లాడిన విషయాన్ని మాత్రం ప్రభుదేవా బయటకు చెప్పలేదు. కాగా ప్రభుదేవా 1995లో మొదటి వివాహం చేసుకున్నాడు. అతడికి ఇద్దరు పిల్లలు కూడా. ఆ తర్వాత నయనతారతో ప్రేమలో పడటం, మొదటి భార్యకు విడాకులు ఇవ్వడం తెలిసిందే. కానీ నయనతో ప్రేమ ఎంతోకాలం సాగలేదు. బ్రేకప్ అయిపోయింది.