జాతీయ హీరో అనుకుంటే బాలీవుడ్‌లో అతిథి పాత్రా.. ప్రభాస్ ఏమైపోతాడో..

బాహుబలి 2 సినిమా విడుదల కాగానే ఆ చిత్ర హీరో ప్రభాస్ అంతర్జాతీయ స్టార్ డమ్‌ సాధించేశాడు. అమరేంద్ర బాహుబలి పాత్రతో కోట్లాది భారతీయుల హృదయాల్లో నిలిచిపోయిన ప్రభాస్‌కు బాలీవుడ్ బ్రహ్మరథం పట్టింది. ప్రభాస్‌తో డైరెక్టు సినిమాలు నిర్మించేందుకు దర్శక-నిర్మాత

బాహుబలి 2 సినిమా విడుదల కాగానే ఆ చిత్ర హీరో ప్రభాస్ అంతర్జాతీయ స్టార్ డమ్‌ సాధించేశాడు. అమరేంద్ర బాహుబలి పాత్రతో కోట్లాది భారతీయుల హృదయాల్లో నిలిచిపోయిన ప్రభాస్‌కు బాలీవుడ్ బ్రహ్మరథం పట్టింది. ప్రభాస్‌తో డైరెక్టు సినిమాలు నిర్మించేందుకు దర్శక-నిర్మాత కరణ్ జోహార్‌తో పాటు పలువురు బాలీవుడ్ దర్శకులు చర్చలు జరుపుతున్నారు.  కానీ హిందీ తెరపై ఓ స్ట్రైట్‌ సినిమాలో హీరోగా కనిపించే ముందు ప్రభాస్ గెస్ట్‌ రోల్‌లో అలరించనున్నారని భోగట్టా.

హిందీ చిత్రం ‘ఖామోషీ’లో ప్రభాస్‌ గెస్ట్‌ రోల్‌ చేయనున్నారనే వార్త షికారు చేస్తోంది. ప్రభుదేవా, తమన్నా జంటగా దర్శకుడు చక్రి తోలేటి ఈ చిత్రాన్ని తెరకెక్కిస్తున్నారు. తమిళ ‘కొలైయుదిర్‌ కాలమ్‌’కి రీమేక్‌గా రూపొందుతోన్న ఈ చిత్రంలో కథను మలుపు తిప్పే పాత్ర ఒకటి ఉందట. ఆ పాత్ర కోసం ప్రభాస్‌ని సంప్రదించగా గ్రీన్‌ సిగ్నల్‌ ఇచ్చారని టాక్‌. 

ప్రభుదేవా దర్శకత్వం వహించిన ‘పౌర్ణమి’లో హీరోగానూ, తానే దర్శకత్వం వహించిన హిందీ చిత్రం ‘యాక్షన్‌ జాక్సన్‌’లోనూ ప్రభాస్‌ ఓ సాంగ్‌లో కనిపించారు. ఇక, తమన్నాతోనూ ప్రభాస్‌ సినిమాలు చేసిన విషయం తెలిసిందే. ఈ ఇద్దరి కోసం గెస్ట్‌ రోల్‌కి ఒప్పుకున్నారనే ఊహాగానాలు ఉన్నాయి.

కానీ ఇలా ప్రారంభ చిత్రంలోనే గెస్ట్ రోల్ లో కనిపిస్తే ప్రేక్షకులు అంచనాలు తారుమారవుతాయేమోనని ప్రభాస్ అభిమానులు కలవరపడుతున్నారు. ఈ వార్తను ఇంకా ఎవరూ నిర్ధారించలేదు కాబట్టి అసలు వార్తకోసం వేచి ఉండాల్సిందే.