పవన్ కళ్యాణ్ - త్రివిక్రమ్ చిత్రం టైటిల్ 'అజ్ఞాతవాసి'?
హీరో పవన్ కళ్యాణ్, మాటల మాంత్రికుడు త్రివిక్రమ్ దర్శకత్వంలో ఓ చిత్రం తెరకెక్కుతోంది. ఈ చిత్రానికి ఇంజనీర్ బాబు అనే టైటిల్‌ను ఖరారు చేసినట్టు వార్తలు వచ్చాయి. అయితే, ఇపుడు మరో టైటిల్ హల్‌చల్ చేస్తోంది.
హీరో పవన్ కళ్యాణ్, మాటల మాంత్రికుడు త్రివిక్రమ్ దర్శకత్వంలో ఓ చిత్రం తెరకెక్కుతోంది. ఈ చిత్రానికి ఇంజనీర్ బాబు అనే టైటిల్‌ను ఖరారు చేసినట్టు వార్తలు వచ్చాయి. అయితే, ఇపుడు మరో టైటిల్ హల్‌చల్ చేస్తోంది. ఆ టైటిల్ పేరు "అజ్ఞాతవాసి".
పవన్ పుట్టిన రోజు సందర్భంగా ఆయన సినిమా నుంచి కాన్సెప్ట్ పోస్టర్ ను రిలీజ్ చేసిన సంగతి తెలిసిందే. ఈ పోస్టర్ లో పవన్ దీర్ఘాలోచన చేస్తూ .. శూన్యంలోకి నడుస్తున్నట్టుగా కనిపిస్తున్నాడు. ఏదో విషయంగా ఆయనలో అంతర్మథనం జరుగుతున్నట్టుగా అనిపిస్తోంది.
ఈ నేపథ్యంలో, కథ ప్రకారం ఈ సినిమాకి 'అజ్ఞాతవాసి' అనే టైటిల్‌ను ఎంపిక చేసినట్టుగా సోషల్ మీడియాలోనూ.. ఫ్యాన్స్ గ్రూపుల్లోను ఒక వార్త చక్కర్లు కొడుతోంది. అయితే ఇది కేవలం ఊహాగానాల్లో నుంచి పుట్టిందా?.. లేదంటే నిజంగానే ఆ దిశగా ఆలోచనలు నడుస్తున్నాయా? అనే విషయంలో స్పష్టత రావలసి వుంది.
కాగా, ఈ చిత్రంలో కీర్తి సురేష్, అనూ ఇమ్మాన్యుయేల్‌లు హీరోయిన్లుగా నటిస్తున్నారు. యువ సంగీత దర్శకుడు అనిరుద్ సంగీత బాణీలు సమకూర్చుతున్నారు. ఈ చిత్రంలోని ఓ పాటను బాణీలను కూడా పవన్ కల్యాణ్ బర్త్‌డే సందర్భంగా రిలీజ్ చేసిన విషయం తెల్సిందే.