నా సక్సెస్ విజయ రహస్యమిదే.. నానికి నచ్చిన హీరోయిన్ ఎవరో తెలుసా?

నాని హీరోగా విరించి వర్మ దర్శకత్వంలో రూపుదిద్దుకున్న 'మజ్ను' చిత్రం గత శుక్రవారం రిలీజై మంచి వసూళ్లతో దూసుకెళుతోంది. నేచురల్ స్టార్‌గా పేరు సంపాదించుకున్న నాని జెట్ స్పీడ్‌తో సినిమాలు చేస్తున్నాడు. ఈ

నాని హీరోగా విరించి వర్మ దర్శకత్వంలో రూపుదిద్దుకున్న 'మజ్ను' చిత్రం గత శుక్రవారం రిలీజై మంచి వసూళ్లతో దూసుకెళుతోంది. నేచురల్ స్టార్‌గా పేరు సంపాదించుకున్న నాని జెట్ స్పీడ్‌తో సినిమాలు చేస్తున్నాడు. ఈ ఏడాది ఇప్పటికే రెండు సినిమాలు చేశాడు. వీటిలో ఫిబ్రవరిలో ''కృష్ణగాడి వీరప్రేమ గాథ''తో నవ్వించిన నాని జూలైలో ''జెంటిల్‌మేన్‌''తో వావ్ అనిపించాడు. ఇప్పుడు ''మజ్ను''తో మనముందుకు వచ్చాడు.

వ‌రుస‌గా మూడు హిట్లు కొట్టి హ్యాట్రిక్ హీరో అనిపించుకొన్నాడు నాని. ఈ సందర్భంగా లైవ్ చిట్ చాట్ మాట్లాడిన నాని.. విజయాన్ని అందించిన ప్రేక్షకులకు ధన్యవాదాలు చెప్పాడు. తన విజయ రహస్యం గురించి అడిగిన ఓ ప్రశ్నకు సమాధనమిస్తూ.. దర్శకుడు చెప్పినట్లు చేయడమే తనకు తెలుసనీ, ఆయన్ని మెప్పించే విధంగా నటించడమే తన విజయరహస్యమని ఆయన అన్నారు. ఇదే చాట్‌లో తనకు ఇష్టమైన హీరోయిన్ ఎవరని అడుగగా... బాలీవుడ్ భామ దీపిక పదుకొనే అని ఠక్కున సమాధానమిచ్చాడు. ఆమె సినిమాలని రిలీజైన రోజే మిస్ కాకుండా చుస్తానని వెల్లడించాడు.