నాగబాబు నాకు అన్యాయం చేశారు: సమీరా

జబర్దస్త్ తరువాత టీవీ షోలలో అంత పేరు వచ్చిన షో అదిరింది. జబర్దస్త్ నుంచి ప్రొడ్యూసర్లు, కొంతమంది నటీనటులను తీసుకెళ్ళిపోయారు నాగబాబు. అయితే జబర్దస్త్ షోలో హాట్ యాంకర్లు అనసూయ, రష్మిలుంటే వారికి సరిపోయే విధంగా సమీరాను తీసుకొచ్చారు.

సమీరా సీరియళ్ళలో నటిస్తూ బాగా ఫేమస్ అయ్యింది. అయితే అదిరింది షోలో మాత్రం పెద్దగా పెర్ఫార్మెన్స్ ఇవ్వలేకపోయింది. ఆమెతో 25 నెలల పాటు అగ్రిమెంట్ చేసుకున్నారట నాగబాబు. కానీ 10 ఎపిసోడ్లు పూర్తయిందే కారణాలు చెప్పకుండా ఆమె అగ్రిమెంట్‌ను క్యాన్సిల్ చేసి పంపించేశారట.

మొదట్లో ఈ విషయంపై ఏ మాత్రం మాట్లాడనని సమీరా.. ఈ మధ్యే తన ఆవేదనను వెళ్లగక్కింది. నేను అదిరింది షోలో యాంకరింగ్ బాగానే చేశాను. నాపై నాకు నమ్మకం ఉంది. ఎలా చేశానో నాకు తెలుసు.. కానీ నాగబాబు సర్ నన్ను ఉన్నట్లుండి షో నుంచి పంపించేశారు. చాలా అన్యాయం చేశారంటూ ఆవేదనను వెళ్లగక్కిందట సమీరా. అయితే నన్ను పంపించేశారుగా ఇప్పుడు ఆ షో కూడా రావడంలేదంటూ సంతోషంగా ఉన్నానని చెబుతోందట.