ఇటీవలే రెడ్ సినిమాతో మరోసారి సక్సెస్ అందుకున్న రామ్ అటు క్లాస్ ఇటు మాస్ ప్రేక్షకులను విపరీతంగా ఆకట్టుకుంటున్నాడు. ఇక ఈ సినిమా తరువాత రామ్ ప్రస్తుతం తమిళ దర్సకుడు లింగుస్వామి దర్సకత్వంలో ఓ మూవీకి ఒకే చెప్పారట.
యాష్, ఆర్.ఎ.పి.ఓ.19 అనే టైటిల్‌తో తెరకెక్కుతున్న ఈ మూవీలో ఉప్పెన భామ కృతిశెట్టి హీరోయిన్‌గా నటిస్తుండగా, సీనియర్ నటి నదియా అత్త పాత్రలో నటిస్తున్నారట.
పోలీస్ పాత్రలో తనలోని మరో కోణాన్ని ఈ సినిమాలో చూపించే ప్రయత్నం చేస్తున్న రామ్ ఈ సినిమా సక్సెస్ పైన ఫుల్ కాన్పిడెంట్‌గా ఉన్నారట. అయితే రామ్ మోస్ట్ ఎనర్జిటిక్ హీరోగా తెరకెక్కుతున్న ఈ సినిమాలో తాజాగా మరో హీరోయిన్ కూడా వచ్చి చేరిందట.
ఈ మూవీలో కృతిశెట్టితో పాటు మరో హీరోయిన్ కూడా నటిస్తోందట. చిత్ర యూనిట్ ఆ హీరోయిన్ ఎవరో కూడా చెప్పేశారట. ఈ మూవీలో కన్నడ బ్యూటీ అక్షర నటిస్తున్నట్లుగా చిత్ర యూనిట్ అధికారికంగా ప్రకటించింది. ఈ సినిమాను సిల్వర్ స్క్రీన్ బ్యానర్ చిత్రీకరిస్తుండగా దేవిశ్రీప్రసాద్ మ్యూజిక్‌ను అందిస్తున్నారట.