''కాష్మోరా'' ఫస్ట్ లుక్ రిలీజ్.. నయనతార, శ్రీదివ్య హీరోయిన్లు.. కార్తీ లుక్‌తో..

ఊపిరి చిత్రంతో మాంచి ఊపుమీదున్న తమిళ హీరో కార్తీ ప్రస్తుతం గోకుల్ దర్శకత్వంలో 'కాష్మోరా' అనే సినిమాలో నటిస్తున్నాడు. ఈ చిత్రంలో కార్తీ మూడు విభిన్న పాత్రలను పోషిస్తున్నాడు. ఈ చిత్రంలో కార్తీ సరసన మలయా

''ఊపిరి'' చిత్రంతో మాంచి ఊపుమీదున్న తమిళ హీరో కార్తీ ప్రస్తుతం గోకుల్ దర్శకత్వంలో 'కాష్మోరా' అనే సినిమాలో నటిస్తున్నాడు. ఈ చిత్రంలో కార్తీ మూడు విభిన్న పాత్రలను పోషిస్తున్నాడు. ఈ చిత్రంలో కార్తీ సరసన మలయాళ ముద్దుగుమ్మ నయనతార, తెలుగుమ్మాయి శ్రీదివ్యలు హీరోయిన్‌లుగా నటిస్తున్నారు. ప్రస్తుతం ఈ చిత్రం షూటింగ్ శరవేగంగా జరుగుతుంది. షూటింగ్ చివరి దశకు చేరుకున్న ఈ చిత్రంలో గ్రాఫిక్స్ కూడా భారీ స్థాయిలో ఉందట. 

ఈ చిత్రానికి సంబంధించిన 15 నిమిషాల షూటింగ్‌ని త్రీడీ ఫేస్ స్కానింగ్ టెక్నాలజీ‌ని వాడి యూనిట్ సభ్యులు చిత్రీకరిస్తున్నారట. అలాగే మగధీర, ఈగ, బాహుబలి చిత్రాలకు గ్రాఫిక్స్ అందించిన మకుట సంస్థ ఈ చిత్రానికి గ్రాఫిక్స్ అందిస్తోంది. తెలుగు, తమిళ భాషల్లో ఏకకాలంలో విడుదల కానున్న ఈ సినిమాకు సంబంధించిన ఫస్ట్‌లుక్, కొద్దిసేపటి క్రితం కార్తీ స్వయంగా విడుదల చేశారు. 

పూర్తిగా గుండు కొట్టించుకొని, ఓ యుద్ధ నేపథ్యంలో నడిచే కథలో సైనికాధికారిలా కనిపిస్తూ కార్తీ అందరినీ ఆశ్చర్యపరిచారు. పీవీపీ సినిమా భారీ బడ్జెట్‌తో తెరకెక్కిస్తోన్నఈ సినిమా ఫస్ట్‌లుక్ ఇలా విడుదలైందో లేదో సోషల్ మీడియాలో ట్రెండ్ అవుతూ వస్తోంది. కార్తీ చేసిన ప్రయత్నానికి అభిమానుల నుండి మంచి స్పందన లభిస్తోంది.