బాలీవుడ్‌లోకి ఫిదా భామ సాయిపల్లవి ఎంట్రీ ఇవ్వనుంది. రణ్ బీర్ కపూర్ హీరోగా రామాయణం ఆధారంగా బాలీవుడ్‌లో ఓ సినిమా రూపుదిద్దుకోనుంది. ఇందులో రాముడిగా రణ్‌బీర్ కనిపించనున్నారు.
రావణుడి పాత్రను హృతిక్ రోషన్ పోషించనున్నారు. తెలుగు వారైన మధు మంతెన నిర్మించే ఈ చిత్రం షూటింగ్ వచ్చే ఏడాది మొదలు కానుంది. ప్రస్తుతం ఈ సినిమా ప్రీ పొడక్షన్స్ పనులు జరుగుతున్నాయి.
ఇందులో సీత పాత్రకు సాయిపల్లవిని సంప్రదించినట్లు సమాచారం. ఈ పాత్రకు గతంలో దీపికా పదుకునే, కరీనా కపూర్ పేర్లు వినిపించాయి. ప్రస్తుతం ఈ పాత్రకు సాయిపల్లవిని ఖరారు చేశారనే వార్తలు చక్కర్లు కొడుతున్నాయి.
దీనిపై అధికారిక ప్రకటన రావాల్సి వుంది. కాగా దక్షిణాదిలో మెప్పించిన సాయిపల్లవి ప్రస్తుతం బాలీవుడ్‌లో అడుగుపెట్టనుంది.