నటి మీనా. ఈ నటి గురించి ప్రత్యేకంగా పరిచయం అక్కర్లేదు. టాప్ హీరోలైన రజినీకాంత్, మెగాస్టార్ చిరంజీవి, వెంకటేష్ తదితర నటులందరితోనూ సినిమాలు చేసింది. ఐతే పెళ్లి చేసుకుని సెటిలైన మీనా జీవితంలో విషాదం చోటుచేసుకుంది. ఆమె భర్త శ్వాస సంబంధ వ్యాధితో కన్నుమూశారు. ఆ తర్వాత ఆమె దుఃఖంలో కూరుకుపోయారు.
ఇదిలావుంటే మీనా రెండో పెళ్లి చేసుకోబోతోందంటూ సోషల్ మీడియాలో పుకార్లు షికారు చేస్తున్నాయి. దీనిపై మీనా స్పందిస్తూ... నా భర్త చనిపోయిన రెండు నెలలకే నేను రెండో పెళ్లి చేసుకుంటున్నానంటూ పుకార్లు పుట్టించారు. ఈ పుకార్లతో నా తల్లిదండ్రులు ఎంత బాధపడ్డారో నాకు తెలుసు. ఐనా దీనిపై మీడియాలో ఖండించేందుకు నేను రాలేదు. ఐతే మళ్లీ నేను ఎవరో హీరోను పెళ్లి చేసుకోబోతున్నానంటూ సోషల్ మీడియాలో గాలి వార్తలు పెడుతున్నారు. వాస్తవానికి నాకు ఇప్పట్లో పెళ్లి చేసుకునే ఆలోచన ఏమాత్రం లేదు కానీ రాబోయే రోజుల్లో ఏం జరుగుతుందనేది మాత్రం నేను చెప్పలేను అంటూ ఆసక్తికర వ్యాఖ్యలు చేసింది.