కత్రీనాతో కటీఫ్.. లండన్ అమ్మాయిని పెళ్ళి చేసుకోనున్న రణ్ బీర్ కపూర్.. అంతే ఓకేనా?

బాలీవుడ్ ప్రేమ పక్షులుగా ముద్రవేసుకుంది.. కత్రీనా కైఫ్, రణ్ బీర్ కపూర్ జంట. చెట్టాపట్టాలేసుకుని తిరగడం.. సహజీవనం కోసం ఫ్లాట్స్ వెతకడం అంటూ బిజీ బిజీగా గడిపిన కత్రీనా-రణ్ బీర్ జంటకు ఏమైందో ఏమో కానీ.. ఉ

బాలీవుడ్ ప్రేమ పక్షులుగా ముద్రవేసుకుంది.. కత్రీనా కైఫ్, రణ్ బీర్ కపూర్ జంట. చెట్టాపట్టాలేసుకుని తిరగడం.. సహజీవనం కోసం ఫ్లాట్స్ వెతకడం అంటూ బిజీ బిజీగా గడిపిన కత్రీనా-రణ్ బీర్ జంటకు ఏమైందో ఏమో కానీ.. ఉన్నట్టుండి విడిపోయారు. కలిసి తిరగడం ఆపై విడిపోవడం బాలీవుడ్‌లో ఫ్యాషనైపోయింది.

ఇదే తరహాలో కత్రీనా-రణ్ బీర్ కపూర్ చెరొక దారిలో వెళ్ళిపోయారు. తాజాగా కత్రీనా సినీ కెరీర్‌పై దృష్టి పెట్టింది. ఆమెకు అవకాశాలు అంతంత మాత్రంగా వస్తున్నాయి. ఇక రణ్ బీర్ కూడా సినిమాలు చేస్తూ పెళ్లి చూపులకు రెడీ అయిపోయినట్లు తెలిసింది. 

తన కుమారుడు రణబీర్ కపూర్‌కు బాలీవుడ్ నటిని భార్యను చేసేందుకు ససేమిరా అంటున్న నీతూ సింగ్ కపూర్, ఓ లండన్ అమ్మాయిని చూసేందుకు కొడుకుతో సహా లండన్ వెళ్లినట్టు తెలుస్తోంది. బిటౌన్ వార్తల ప్రకారం లండన్‌కు చెందిన ఓ వ్యాపార దిగ్గజం కుమార్తెతో రణ్ బీర్ పెళ్లి చూపుల కార్యక్రమం ఉందని... అందుకే నీతూ, ఆర్కే లండన్ ఫ్లైట్ ఎక్కేశారని మీడియాలో వార్తలు వస్తున్నాయి. 

నీతూ దగ్గరి సన్నిహితులు ఈ సంబంధాన్ని ఖరారు చేశారని.. దాదాపు అంతా ఖరారైనట్టేనని టాక్ వస్తోంది. గతంలో దీపికా పదుకునే, కత్రీనాతో లవ్వాయణం జరిపిన రణ్ బీర్ కపూర్.. ప్రస్తుతం లండన్ అమ్మాయిని పెళ్లాడుతాడా లేదా? అనేది తెలియాలంటే వేచి చూడాల్సిందే.