మెగాస్టార్ క్రేజ్ పడిపోతోందా? గంటా హీరో సినీ ప్రమోషన్‌కు ఫ్యాన్స్ మౌనం...?

సహజమే... వయసు పెరిగేకొద్దీ ఎవరి క్రేజ్ అయినా తగ్గిపోక తప్పదు. అది గ్లామర్ ఇండస్ట్రీలో అయితే మరీను. బాలీవుడ్ బిగ్ బి అమితాబ్ బచ్చన్‌కే తప్పలేదు. ఎందరో అగ్ర నటులు వయసురీత్యా మెల్లగా తగ్గాల్సి వచ్చింది. ఇదంతా ఎందుకయ్యా అంటే... చిరంజీవి ఈమధ్య గంటా కుమారు

సహజమే... వయసు పెరిగేకొద్దీ ఎవరి క్రేజ్ అయినా తగ్గిపోక తప్పదు. అది గ్లామర్ ఇండస్ట్రీలో అయితే మరీను. బాలీవుడ్ బిగ్ బి అమితాబ్ బచ్చన్‌కే తప్పలేదు. ఎందరో అగ్ర నటులు వయసురీత్యా మెల్లగా తగ్గాల్సి వచ్చింది. ఇదంతా ఎందుకయ్యా అంటే... చిరంజీవి ఈమధ్య గంటా కుమారుడు గంటా రవితేజ నటిస్తున్న జయదేవ్ చిత్రానికి ముఖ్య అతిథిగా విచ్చేశారు. 

చిరంజీవి వస్తున్నారంటే ఇదివరకూ పరిస్థితి మామూలుగా వుండేది కాదు. మెగాభిమానులు ఎగబడేవారు. అలాంటిది ఆ పరిస్థితి కనబడలేదు. పైగా మెగాస్టార్ ఏ చిత్రానికి సంబంధించి ముఖ్య అతిథిగా వచ్చినా బిజినెస్ అత్యంత వేగంగా జరిగిపోయేది. కానీ ఆ పరిస్థితి కనబడలేదు. 

ఈ చిత్రం కోసం చిరంజీవితో పాటు మోహన్ బాబు, రాఘవేంద్రరావు, అల్లు అరవింద్ హాజరయినా పెద్ద క్రేజ్ మాత్రం కనిపించలేదు. ఇకపోతే ఈ చిత్రం ప్రి-రిలీజ్ వేడుకను విశాఖ నోవాటెల్లో పెట్టనున్నారు. దానికి అల్లు అర్జున్‌ను ముఖ్య అతిథిగా ఆహ్వానించారు. మరి అప్పుడేమైనా ఈ చిత్రం గురించి మాట్లాడుకుంటారేమో చూడాలి.