మెగాస్టార్ చిరంజీవి నటించే 150వ సినిమా వివి వినాయక్ దర్శకత్వంలో తెరకెక్కనుంది. తమిళంలో హిట్టయిన ‘కత్తి' చిత్రాన్ని తెలుగులో ''కత్తిలాంటోడు'' టైటిల్‌తో రీమేక్ చేస్తున్నారు. తెలుగు నేటివిటీకి అనుగుణంగా స్క్రిప్టులో చాలా మార్పులు చేసారు వినాయక్. ఇక ఈ సినిమాలో చిరంజీవి సరసన ఎవరు నటిస్తారు? అనేది చాలా కాలంగా హాట్ టాపిక్‌గా మారింది.
ఈ చిత్రం కోసం ఇప్పటికే త‌మ‌న్నా.. రెజీనా.. న‌య‌న‌తార.. అనుష్క ఇలా పలువురు హీరోయిన్ల పేర్లను పరిశీలిస్తున్నారు. తాజాగా దర్శకుడు ఓ క‌త్తిలాంటి హీరోయిన్‌ను ఫిక్స్ చేసిన‌ట్టు వార్తలు వెలువడుతున్నాయి. ఈ సినిమాలో చిరుకు జోడీగా ముందుగా న‌య‌న‌తార, త‌ర్వాత అనుష్క పేర్లు వినిపించినా ఫైన‌ల్‌గా అనుష్క‌నే ఫిక్స్ చేసిన‌ట్టు సమాచారం.
గ్లామర్‌తోపాటు, నటనలోనూ అనుష్క చిరుకి కరెక్ట్‌గా సెట్ అవుతుందని చిత్ర యూనిట్ భావిస్తోందట. ప్ర‌స్తుతం 'బాహుబ‌లి-2'లో నటిస్తున్న అనుష్క ఈ సినిమాతో పాటు చిరు 150వ సినిమాకు కూడా డేట్లు ఇచ్చిందట. కొణిదెల ఎంట‌ర్‌టైన్‌మెంట్ బ్యాన‌ర్‌పై తెర‌కెక్కుతున్న ఈ సినిమాకు దేవిశ్రీప్ర‌సాద్ సంగీతాన్ని సమకూరుస్తున్నారు.