నన్ను బాగా తొందరపెడుతున్నారంటున్న కేథరిన్

చేసిన సినిమాలు తక్కువే అయినా కేథరిన్‌కు తెలుగు సినీపరిశ్రమలో మంచి పేరే ఉంది. హాట్ హీరోయిన్‌గా కేథరిన్‌ను అభిమానిస్తుంటారు. కేథరిన్ సినిమాలంటే పడిచచ్చిపోయే అభిమానులు చాలామందే ఉన్నారు. అలాంటి కేథరిన్‌కు తెలుగులో అవకాశాలు బాగా తగ్గుతున్నాయట. అందుకు కారణం ఆమెకు కథలు నచ్చకపోవటమేనట.

తెలుగు సంగతి అటుంచితే తమిళంలో ఆమెకు అవకాశాలు బాగా వస్తున్నాయి. గ్యాప్ లేకుండా సినిమాలను చేసేస్తుంది కేథరిన్. ఇదే విషయాన్ని అడిగితే తమిళంలో మంచి కథలు వస్తున్నాయి.. అందుకే నటిస్తున్నానని చెబుతోందట. తెలుగు ప్రేక్షకులు బాగా ఆదరిస్తున్నారు కదా అని అడిగితే.. నాకు భాష ముఖ్యం కాదు నా క్యారెక్టర్.. కథ ముఖ్యం. అందుకే ఆలోచించి సినిమాలు చేస్తుంటాను.

తెలుగు, తమిళం ఇలా వేరు చేయడం నాకు ఇష్టం ఉండదు. తెలుగులో నాకు ఎన్నో హిట్లు వచ్చాయి. అయితే అవి నాకు పూర్తి సంతృప్తి ఇచ్చిందనుకోను. అలాంటి మంచి కథలు మళ్ళీ రావాలి. ప్రేక్షకులు బాగా ఆదరించాలని కోరుకుంటూ ఉంటానని చెబుతోంది కేథరిన్.

ఇప్పుడు నన్ను నా తల్లిదండ్రులు పెళ్ళి కోసం తొందరపెట్టేస్తున్నారు. పెళ్ళి చూపులు మొదలెట్టేశారు. అయితే నాకు ప్రేమ గురించి పెద్దగా తెలియదు. ఇప్పటివరకు ఎవరినీ ప్రేమించలేదు. కాబట్టి తల్లిదండ్రులు ఎవరిని ఓకే చెప్పేస్తే వారినే పెళ్ళి చేసుకుంటానంటోంది కేథరిన్.