సల్మాన్‌తో డేటింగ్ అంటే ఎవరు కాదంటారు చెప్పండి: ఎమీ జాక్సన్ ప్రశ్న
బాలీవుడ్ స్టార్ హీరో, ఖాన్ త్రయంలో ఒక్కడైన సల్మాన్ ఖాన్‌కు కొత్త లవర్ దొరికిపోయిందంటూ బాలీవుడ్ జనాలు చెవులు కొరుక్కుంటున్న తరుణంలో.. ఎమీ జాక్సన్ షాకింగ్ కామెంట్ చేసింది. అమీ జాక్సన్, సల్మాన్‌లు కలిసి
బాలీవుడ్ స్టార్ హీరో, ఖాన్ త్రయంలో ఒక్కడైన సల్మాన్ ఖాన్‌కు కొత్త లవర్ దొరికిపోయిందంటూ బాలీవుడ్ జనాలు చెవులు కొరుక్కుంటున్న తరుణంలో.. ఎమీ జాక్సన్ షాకింగ్ కామెంట్ చేసింది. అమీ జాక్సన్, సల్మాన్‌లు కలిసి ఓ సినిమాలో నటిస్తున్నారని, వారిద్దరూ లవ్వులో ఉన్నారని చెప్పిన వారందరికీ ఎమీ జాక్సన్ వేసిన ప్రశ్నతో షాక్ ఇచ్చింది.
ఇంతకీ విషయం ఏమిటంటే? అందాలతార ఎమీ జాక్సన్‌తో సల్మాన్ ఖాన్ డేటింగ్ చేస్తున్నాడంటూ జోరుగా ప్రచారం సాగింది. మోడల్ లులియా వంతూర్‌తో బంధం తెంపుకున్న సల్లూ భాయ్ ప్రస్తుతం ఎమీ జాక్సన్‌తో చెట్టాపట్టాలేసుకుని తిరుగుతున్నాడని.. సోషల్ మీడియాతో పాటు జాతీయా మీడియాలో వార్తలు వచ్చాయి. ఈ నేపథ్యంలో ఓ పంజాబీ సినిమా ప్రమోషన్‌లో బిజీగా ఉన్న ఎమీ జాక్సన్ సల్మాన్‌తో డేటింగ్‌పై నోరు విప్పింది.
దీంతో వెంటనే స్పందించిన ఎమీ... సల్మాన్‌తో డేటింగ్ అంటే ఎవరు కాదంటారు చెప్పండి? అని మీడియాను ఎదురు ప్రశ్నించింది. ఊహించని సమాధానంతో మీడియా ప్రతినిధులు అవాక్కయ్యారు. వారు తేరుకునేంతలోనే తనే మళ్లీ కల్పించుకుని, ప్రస్తుతానికి తాను సింగిల్‌గానే ఉన్నానని క్లారిటీ ఇచ్చింది. ఇంకా తాను ఎవరితోనూ డేటింగ్ చేయడం లేదని స్పష్టం చేసింది.