సుకుమార్ దర్శకత్వంలో బన్నీ... గుబురు గెడ్డంతో డిఫరెంట్ లుక్...

తెలుగు చిత్ర పరిశ్రమలో లెక్కల మాస్టారుగా గుర్తింపు పొందిన దర్శకుడు కె. సుకుమార్ - స్టైలిష్ స్టార్ అల్లు అర్జున్ కాంబినేషన్‌లో ఓ మూవీ తెరకెక్కనుంది. ఇందులో హీరో ద్విపాత్రాభినయం చేస్తుండగా, అల్లు అర్జున్ మాత్రం గుబురు గెడ్డెంతో డిఫరెంట్ లుక్‌లో కనిపించనున్నాడట. 

ఇటీవలే అల్లు అర్జున్ - త్రివిక్రమ్ శ్రీనివాస్ కాంబినేషన్‌లో వచ్చిన 'అల.. వైకుంఠపురములో' చిత్రం సంక్రాంతికి విడుదలైన విషయం తెల్సిందే. ఈ చిత్రం సూపర్ డూపర్ హిట్ అయింది. పైగా, నిర్మాతలకు కాసుల వర్షం కురిపించింది. బన్నీ సినీ కెరీర్‍లో సరికొత్త రికార్డులు నెలకొల్పింది. అలాగే, నాన్ బాహుబలి రికార్డులను తిరగరాసింది. 

ఈ చిత్రం తర్వాత అల్లు అర్జున్ మరో చిత్రంలో నటించేందుకు కమిట్ అయ్యారు. ఈ చిత్రానికి కె.సుకుమార్ దర్శకత్వం వహించనున్నారు. ఎర్రచందనం స్మగ్లింగ్ నేపథ్యంలో ఈ కథ నడుస్తుందని అంటున్నారు. స్మగ్లర్‌లకి సహకరించే లారీ డ్రైవర్ పాత్రలో అల్లు అర్జున్ కనిపించనున్నాడని చెబుతున్నారు. ఈ పాత్రలో రింగుల జుట్టుతో.. గుబురు గెడ్డంతో ఆయన లుక్ కొత్తగా ఉంటుందని సమాచారం. ఈ లుక్ నేచురల్‌గా ఉండటం కోసమే ఆయన కొంత సమయం తీసుకుంటున్నాడనే టాక్ ఫిల్మ్ నగర్లో వినిపిస్తోంది.

ఈ సినిమాలో అల్లు అర్జున్ మరో పాత్రను కూడా పోషించనున్నాడనేది తాజా సమాచారం. ఆ లుక్ కాస్త స్టైలీష్‌గా.. మోడ్రన్‌గా ఉంటుందని అంటున్నారు. ఈ సినిమాలో కథానాయికగా రష్మికను ఎంపిక చేసుకున్నారు. ఇప్పటికే సుకుమార్ 'రంగస్థలం'వంటి హిట్ ఇచ్చి వున్నాడు. మరో వైపున వరుస విజయాలతో రష్మిక దూసుకుపోతోంది. అల వైకుంఠపురములో చిత్రంతో బన్నీ సూపర్ ఫామ్‌లో ఉన్నాడు. ఈ ముగ్గురి కాంబినేషన్లో రూపొందుతున్న ఈ సినిమాపై అభిమానుల్లో అంచనాలు బాగానే వున్నాయి. ఈ చిత్రానికి డీఎస్పీ సంగీత బాణీలను సమకూర్చనున్నాడు.