అల్లు అర్జున్‌ నటిస్తున్న తాజా సినిమా పుష్ప2 రూల్‌. ఈ సినిమాను సుకుమార్‌ తనకు వచ్చిన షూటింగ్‌ గేప్‌లో చాలా మార్పులు చేస్తున్నట్లు తెలుస్తోంది. ఇప్పటికే ఫారెస్ట్‌ ఎపిసోడ్స్‌ కొన్ని షూట్‌ చేస్తున్నారు. పుష్ప సినిమాతో అల్లు అర్జున్‌ కు ఒక్కసారిగా నార్త్‌లోనూ, దక్షిణాదిలోనూ ఒక్కసారిగా పాపులారిటీ వచ్చేసింది. తగ్గెదేలా అనే మేనరిజంను అన్ని చోట్ల ప్రతి రంగంలోనివారు ఉపయోగించుకుంటున్నారు.
పుష్ప2కు అల్లు అర్జున్‌ ఆహార్యం కాస్త భిన్నంగా వుంటుంది. దానికి సంబంధించిన హెవీగా వున్న జుట్టుతో వున్న ఫొటోలు కూడా వచ్చాయి. కాగా, ఈ సినిమా షూటింగ్‌లో వుండగానే ఓటీటీ ఆఫర్లు పోటీ పడుతున్నాయి. నెట్‌ఫ్లిక్స్‌, అమెజాన్‌ సంస్థలు ముందున్నట్లు తెలుస్తోంది. దాదాపు 200 కోట్లు వెచ్చించి ఓటీటీ హక్కులు తీసుకునేందుకు ఓటీటీ సంస్థ సిద్ధమైంది. అది ఎవరికి వచ్చింది అనేది కొద్దిరోజుల్లో తెలియనుంది.
ఇక అల్లు అర్జున్‌ ఈసారి కథలోనూ ఇన్‌వాల్వ్‌మెంట్‌ చేస్తున్నట్లు గుసగుసలు వినిపిస్తున్నాయి. చాలా కేర్‌ తీసుకుని అన్ని క్యారెక్టర్లను సుకుమార్‌ డిజైన్‌ చేస్తున్నారు. ఇప్పటికే అల్లు అర్జున్‌ ఈ సినిమాకు 125 కోట్లు తీసుకుంటున్నట్లు వినికిడి. పాన్‌ ఇండియా సినిమా వల్ల అల్లు అర్జున్‌కు చాలా లాభం కలిగినట్లు అనుకుంటున్నారు.