సితార ఘట్టమనేని బుగ్గపై ముద్దెట్టుకున్నదెవరు?

సితార ఘట్టమనేని తెలుగు సూపర్ స్టార్ మహేష్ బాబు కుమార్తె. సినిమాల్లోకి రాకపోయినా ఆమెకంటూ ఓ స్పెషల్ ఇమేజ్ వుంది. ఇప్పటికే ఓ కమర్షియల్ యాడ్‌లో నటించి అందరినీ ఆకట్టుకుంది. తన తండ్రిలానే ఆమె కూడా ఎన్నో సేవా కార్యక్రమాలు చేస్తూ ఎంతో మందికి సహాయం చేస్తుండటం అందరినీ ఆశ్చర్యానికి గురి చేస్తోంది. 

11 ఏళ్లకే ఫుల్ యాక్టివ్‌గా ఉంటూ, కష్టపడి పనిచేస్తూ, మంచి పనులకు సపోర్ట్ చేస్తూ సితార అందరికీ మార్గదర్శకంగా నిలుస్తోంది. టాలీవుడ్ ఇండస్ట్రీలో సూపర్ స్టార్ మహేష్ బాబు వారసురాలిగా సితారకు మంచి గుర్తింపు వచ్చింది. 

ఇంత చిన్న వయసులో అభిమానులను సంపాదించుకోవడమే కాకుండా ఇప్పటికే పలు బ్రాండ్లకు బ్రాండ్ అంబాసిడర్‌గా వ్యవహరిస్తూ పలు షాపింగ్ మాల్స్ ఓపెనింగ్ వేడుకలకు కూడా హాజరవుతోంది. 

తాజాగా హైదరాబాద్‌లోని ప్రముఖ అంతర్జాతీయ సంస్థల్లో ఒకటైన మ్యాక్స్‌ అతిపెద్ద స్థాయి బొమ్మలను ఏర్పాటు చేసింది. మాక్స్ కంపెనీ దసరా సందర్భంగా వివిధ రకాల ఫ్యాషన్ దుస్తులను అతి తక్కువ ధరలకు వినియోగదారులకు విక్రయించేందుకు ఈ సేల్‌ను ఏర్పాటు చేసినట్లు తెలుస్తోంది. హైదరాబాద్‌లోని కేపీహెచ్‌బీ మాల్‌లో దీన్ని ఏర్పాటు చేశారు.

అలాగే బహుమతులు ఇచ్చే సంప్రదాయాన్ని కొనసాగిస్తూ స్వచ్ఛంద సంస్థల ద్వారా వృద్ధులు, అనాథ పిల్లలకు బహుమతులు అందజేశారు. వేదికపై ఉన్న వారందరికీ సితార బహుమతులు ఇచ్చి వారితో కలిసి ఫోటోలకు ఫోజులిచ్చింది. ఈ సందర్భంగా ఓ అవ్వ సితార బుగ్గపై ముద్దుపెట్టుకుంది. సితార కూడా ఆ వృద్ధురాలిని చూసి ఆప్యాయంగా నవ్వింది. ఇప్పుడు ఈ వీడియో సోషల్ మీడియాలో వైరల్ అవుతోంది.