పెళ్లికి ముందే బట్టతల వస్తోందన్న కారణంతో ఆత్మహత్యకు పాల్పడ్డాడు. ఈ ఘటన వరంగల్ జిల్లాలో చోటుచేసుకుంది. వివరాల్లోకి వెళితే.. నితిన్ హైదరాబాదులో ఉంటూ క్యాటరింగ్ పనులు చేసేవాడు. మరో ఇద్దరు ఫ్రెండ్స్‌తో కలిసి ఉప్పల్‌లో నివాసం ఉంటున్న నితిన్ తన ఆదాయంలోనే కొంత తల్లిదండ్రులకు కూడా పంపేవాడు.
ఇటీవల అతనికి జుట్టు బాగా రాలిపోతోంది. దాంతో పెళ్లికి ముందే జుట్టంతా ఊడిపోతే ఎలా అని భావించి, హెయిర్ ట్రాన్స్ ప్లాంటేషన్ కోసం కొంత డబ్బు పొదుపు చేయడం మొదలుపెట్టాడు. అయితే లాక్ డౌన్ కారణంగా ఉపాధి లేకపోవడంతో డబ్బు సంపాదన నిలిచిపోయింది. దానికితోడు సోదరి పెళ్లికి డబ్బు పంపాలని ఇంటి నుంచి సమాచారం వచ్చింది.
ఈ నేపథ్యంలో, తీవ్ర మనస్తాపం చెందిన నితిన్ స్నేహితులు గదిలో లేని సమయంలో సీలింగ్ ఫ్యాన్‌కు ఉరేసుకుని ఆత్మహత్యకు పాల్పడ్డాడు. తన చావుకు ఎవరూ కారణం కాదని, పెళ్లి కాకముందే జుట్టంతా రాలిపోతోందన్న ఆవేదనతో ఆత్మహత్యకు పాల్పడుతున్నట్టు ఆ లేఖలో పేర్కొన్నాడు. ఈ ఘటనపై కేసు నమోదు చేసుకున్న పోలీసులు దర్యాప్తు ఆరంభించారు.