Webdunia - Bharat's app for daily news and videos

Install App

హైదరాబాద్ దిగ్బంధం - అటు వెరవరూ ఇటు.. ఇటు వారెవరూ అటు పోకూడదు...

Webdunia
గురువారం, 7 మే 2020 (09:55 IST)
తెలంగాణ రాష్ట్రంలో కరోనా వైరస్ చాలా మేరకు కట్టడి అయింది. అయితే, గ్రేటర్ హైదరాబాద్ నగర పాలక సంస్థ పరిధిలో మాత్రం ఈ వైరస్ అదుపులోకి రావడం లేదు. ఈ రాష్ట్రంలో నమోదవుతున్న కొత్త కేసులన్నీ ఈ ప్రాంతం పరిధిలోనే నమోదవుతున్నాయి. దీంతో హైదరాబాద్ నగరాన్ని అష్టదిగ్బంధనం చేయాలని ముఖ్యమంత్రి కేసీఆర్ ఆదేశించారు. అంతేకాకుండా, అటు వారెవరూ ఇటు.. ఇటు వారెవరూ అటు వెళ్లకుండా చూడాలని సీఎం కేసీఆర్ అధికారులకు స్పష్టమైన ఆదేశాలుజారీచేశారు. 
 
రాష్ట్రంలో వైరస్‌ వ్యాప్తి, నివారణ చర్యలు, లాక్‌డౌన్‌ అమలు, సహాయక చర్యలపై బుధవారం ముఖ్యమంత్రి కేసీఆర్‌ ప్రగతిభవన్‌లో ఉన్నతస్థాయి సమీక్ష నిర్వహించారు. ఈ సందర్భంగా అధికారులకు ఆయన కొన్ని సూచనలు చేశారు. 'హైదరాబాద్‌ దాని చుట్టుపక్కల జిల్లాలు మినహా రాష్ట్రంలోని మిగతా జిల్లాల్లో పరిస్థితి అదుపులోనే ఉన్నది. ఆ ప్రాంతాల్లో వ్యాప్తి చాలా తక్కువగా ఉన్నది. కొత్తగా నమోదవుతున్న కేసులన్నీ హైదరాబాద్‌, మేడ్చల్‌, రంగారెడ్డి, వికారాబాద్‌ జిల్లాల్లోనే ఉన్నాయి. కాబట్టి అధికారులు హైదరాబాద్‌పై ఎక్కువ దృష్టి కేంద్రీకరించాలని కోరారు.
 
ముఖ్యంగా, ఎవరికైనా పాజిటివ్‌ అని తేలినా.. ఆ వ్యక్తిని కలిసిన వారందరినీ క్వారంటైన్‌ చేయాలి. హైదరాబాద్‌లోని వారు బయటకు పోకుండా, బయటి వారు హైదరాబాద్‌లోకి రాకుండా నియంత్రణ చర్యలు పకడ్బందీగా చేపట్టాలి. చురుకైన  ఐఏఎస్‌, పోలీస్‌, వైద్య ఆరోగ్యశాఖ అధికారులను ప్రత్యేకాధికారులుగా నియమించాలి. మొత్తం హైదరాబాద్‌ను చుట్టుముట్టాలి. వైరస్‌ను తుదముట్టించాలి అని ఆదేశించారు. 
 
ముఖ్యంగా, పక్క రాష్ట్రంలోని కర్నూలు, గుంటూరు జిల్లాల్లో కరోనా వ్యాప్తి ఎక్కువగా ఉన్నది. వాటికి సరిహద్దుల్లోనే తెలంగాణ గ్రామాలున్నాయి. ఈ రెండు జిల్లాల సరిహద్దు గ్రామాల్లో ప్రత్యేకాధికారులను నియమించి నియంత్రణ చర్యలు చేపట్టాలి. అటు వారెవరూ ఇటు రాకుండా, ఇటు వారెవరూ అటు పోకుండా ఆపాలి. వైరస్‌ మన దగ్గర పుట్టింది కాదు. ఇతర ప్రాంతాల నుంచి వ్యాప్తి చెందేదే, కాబట్టి ప్రజల రాకపోకలను ఎంత కట్టడి చేయగలిగితే వైరస్‌ వ్యాప్తిని అంత బాగా అరికట్టవచ్చు అవి సీఎం కేసీఆర్ చెప్పుకొచ్చారు. 

సంబంధిత వార్తలు

అన్నీ చూడండి

టాలీవుడ్ లేటెస్ట్

అఘోరాలు, సాధువులు, నాగ సాధువులకు ప్రదర్శించిన కన్నప్ప చిత్రం

హ్రుతిక్ రోషన్ ఎమోషన్ భావాలతో వార్ 2 కేక్ కటింగ్ తో షూటింగ్ పూర్తి

Siddharth: నేను కూడా లైఫ్ ని రెండుసార్లు రీసెట్ చేశాను : హీరో సిద్ధార్థ్

న్యూ టాలెంట్ కు సపోర్ట్ గా నిలుస్తున్న హీరో కిరణ్ అబ్బవరం

Upasana: నా భర్తకి అయ్యప్ప స్వామి, నాకు సాయి బాబా పట్ల విశ్వాసం : ఉపాసనా కామినేని కొణిదెల

అన్నీ చూడండి

ఆరోగ్యం ఇంకా...

వర్షాకాలంలో నల్ల మిరియాలు వాడితే ఆ సమస్యలే వుండవ్

ఆ మొక్క ఆకులో నానో బంగారు కణాలు!!

బరువు తగ్గాలనుకుంటున్నారా? సగ్గుబియ్యం ఓ వరం!

నేరేడు పళ్ల సీజన్... నేరేడు ప్రయోజనాలెన్నో!

Back pain: మహిళలకు వెన్నునొప్పి ఎందుకు వస్తుందో తెలుసా?

తర్వాతి కథనం
Show comments