తెలంగాణాలో సరికొత్త ప్రయోగం.. సీట్లు ఎక్కడొచ్చినా నచ్చిన కాలేజీలో...

తెలంగాణ విద్యాశాఖ సరికొత్త మార్పులకు శ్రీకారం చుట్టింది. ఈ మేరకు ఆ రాష్ట్ర ఉన్నత విద్యా మండలి కీలక నిర్ణయం తీసుకుంది. విద్యార్థులకు సీటు ఎక్కడొచ్చినప్పటికీ.. పాఠాలు మాత్రం నచ్చినప్పటికీ సమీపంలోని మరో కాలేజీలో కొన్ని రోజుల పాటు క్లాసులు వినే అవకాశాన్ని కల్పించేందుకు కసరత్తు చేస్తోంది. డిగ్రీ స్థాయిలో ఈ విధానాన్ని తీసుకురానున్నారు. 

ఇందుకోసం క్లస్టర్ విధానాన్ని తీసుకురానుంది. ఇందుకు కావాల్సిన మార్గదర్శకాలను రూపొందించే పనిలో అధికారులు నిమగ్నమయ్యారు. ఈ మేరకు ఉన్నత విద్యామండలి వైస్ చైర్మన్లు లింబాద్రి, వెంకటరమణతో పాటు పలు వైస్ ఛాన్సలర్లతో కమిటీ ఏర్పాటు చేసింది. 

ఈ కమిటీ ఇటీవల ఏర్పటై కస్టర్ల ఏర్పాటుపై సమాలోచనలు చేసింది. కస్టర్లు ఎలా ఎర్పాటు చేయాలి? ఎన్ని కాలేజీలు కలుపుతూ ఓ క్లస్టర్ చేయాలి? తదితర అంశాలపై కమిటీ చర్చించింది. అయితే.. ఈ క్లస్టర్లలో కనీసం 6 కాలేజీలు ఉంచాలని అధికారులు ఆలోచిస్తున్నట్లు సమాచారం.

ఇందులో రెండు గవర్నమెంట్ డిగ్రీ కాలేజీలు, మరో రెండు యూనివర్సిటీ గుర్తింపు పొందిన ప్రైవేటు కాలేజీలు, మరో రెండు యూనివర్సిటీ అనుబంధ డిగ్రీ కాలేజీలను కలిపి ఉంచాలని అధికారులు యోచిస్తున్నట్లు సమాచారం. మొదట ఈ విధానాన్ని పైలెట్ ప్రాజెక్టుగా చేపట్టి త్వరలో రాష్ట్రమంతా అమలు చేయాలన్నది అధికారుల ప్లాన్‌గా అమలు చేయాలని భావిస్తున్నారు.