నాగుల చవితి రోజు.. నాగమ్మ తల్లి ప్రత్యక్షం అయ్యింది. అయితే అది పుట్టలో కాదు.. బిందెలో అదేంటి అనుకుంటున్నారా.. అయితే చదవండి. వివరాల్లోకి వెళితే.. వరంగల్ జిల్లా వర్ధన్నపేట మున్సిపాలిటీ కేంద్రంలోని ఓ ఇంట్లో ఆరడుగుల భారీ నాగుపాము ప్రత్యక్షమైంది.
అర్థరాత్రి ప్రభాకర్ అనే వ్యక్తి ఇంట్లోకి ప్రవేశించి ఇంట్లో వారిని భయాందోళనలకు గురయ్యేలా చేసింది. ఎలుకలు తిని కదలని పరిస్థితిలో ఉన్న నాగుపాముని ఆ కుటుంబ సభ్యులు ఇత్తడి బిందెలో పట్టి ఉంచారు.
పాముకు ఎలాంటి అపాయం తలపెట్టకుండా పాములు పట్టే వ్యక్తికి సమాచారం అందించడంతో దానిని పట్టుకొని సమీప అడవిలో విడిచిపెట్టారు. దీంతో స్థానికులు ఊపిరిపీల్చుకున్నారు.