Webdunia - Bharat's app for daily news and videos

Install App

కేసీఆర్ గుండెలమీద చెయ్యివేసుకుని చెప్పు, తుగ్లక్ లా కాదు...

Webdunia
శనివారం, 3 ఆగస్టు 2019 (17:20 IST)
తెలంగాణ ముఖ్యమంత్రి కేసీఆర్‌పై మాజీ మంత్రి, కాంగ్రెస్ సీనియర్ నేత పొన్నాల లక్ష్మయ్య తీవ్ర వ్యాఖ్యలు చేశారు. కేసీఆర్ పాలన తుగ్లక్ పాలనను మించిపోయిందంటూ ధ్వజమెత్తారు.

కాళేశ్వరం ప్రాజెక్టు ప్రజల అవసరం కంటే ప్రభుత్వ ప్రచార అవసరానికే బాగా ఉపయోగపడుతుందని ఆరోపించారు. కాళేశ్వరం ప్రాజెక్టులో ఎల్లంపల్లిని ఒక ఇరిగేషన్ జంక్షన్‌లా వాడుకుంటున్నారని ఆరోపించారు. 
 
20 టీఎంసీల సామర్థ్యంతో ఎల్లంపల్లి ప్రాజెక్టును ఎవరు నిర్మించారో కేసీఆర్ గుండెలమీద చెయ్యివేసుకుని చెప్పాలని నిలదీశారు. మూడు బ్యారేజీ, మూడు లిఫ్టులు కట్టి కాళేశ్వరం పూర్తైందని చెప్పుకోవడం సిగ్గుచేటని విమర్శించారు. 
 
కాళేశ్వరం ఒక భారమైన ప్రాజెక్టు అని తెలంగాణ ప్రజలకు అప్పులు మిగిల్చే ప్రాజెక్టు అంటూ విరుచుకుపడ్డారు. మేడిగడ్డ నుంచి అన్నారం బ్యారేజీకి ఒక టీఎంసీ నీటిని ఎత్తిపోయడానికి రూ.కొటిన్నర ఖర్చైందని లెక్కల్లో చూపించిన ప్రభుత్వం వరదలు వస్తుండటంతో ఇప్పుడు ఎలాంటి ఖర్చు లేకుండానే రోజుకు మూడు టీఎంసీల నీరు కిందకి వదులుతున్నారని ఇదెక్కడి చోద్యం అంటూ విమర్శించారు. కేసీఆర్ ఓ తుగ్లక్ అనడానికి ఇదే ఓ నిదర్శనం అంటూ పొన్నాల మండిపడ్డారు. 
 
మరోవైపు కేసీఆర్ దాదాపు 2 దశాబ్దాలు టీడీపీలో పనిచేశారని, తెలంగాణలో ఒక్క ప్రాజెక్టు అయినా కట్టారా అని డిమాండ్ చేశారు. జలయజ్ఞంలో కాంగ్రెస్ ప్రభుత్వం తెలంగాణలో 33 ప్రాజెక్టులు చేపట్టి 80 శాతం వరకు పూర్తి చేసిందని గుర్తు చేశారు. వాటిపై కేసీఆర్ చర్చకు వస్తారా? అని సవాల్ విసిరారు. ప్రాజెక్టుల వద్ద చర్చకు వస్తామంటే తాను సిద్ధంగా ఉన్నానని తెలిపారు పొన్నాల లక్ష్మయ్య. 
 
కొమురంభీం, పెద్దవాగు, ఎల్లంపల్లి, చౌటుపల్లి హనుమంతరెడ్డి, అలిసాగర్, గుత్ప, దేవాదుల, ఎస్ఎల్‌బిసి, కల్వకుర్తి, భీమా, కోయిల్‌సాగర్ ఇలా ఏ ప్రాజెక్టు దగ్గర అయినా సరే చర్చకు తాను సిద్ధమని పొన్నాల లక్ష్మయ్య సవాల్ విసిరారు. 

సంబంధిత వార్తలు

అన్నీ చూడండి

టాలీవుడ్ లేటెస్ట్

Nidhi Agarwal: ఆన్‌లైన్ బెట్టింగ్ యాప్స్ ప్రమోషన్‌లో చిక్కిన పవన్ హీరోయిన్ నిధి అగర్వాల్ (video)

Jwala Gutta: గుండె జారి గల్లంతయ్యిందేలో ఐటమ్ సాంగ్‌తో ఇబ్బంది పడ్డాను.. జ్వాలా గుత్తా

Keerthy Suresh సోషల్ మీడియాలో ట్రెండ్ అయిన కీర్తి సురేష్

Nag Ashwin: నాని, విజయ్ దేవరకొండ కాంబో సినిమా, కల్కి 2 గురించి నాగ్ అశ్విన్ ఏమన్నాడంటే

రొమాంటిక్ థ్రిల్లర్ గా కిల్లర్ ఆర్టిస్ట్ సినిమా: ప్రొడ్యూసర్ జేమ్స్ వాట్ కొమ్ము

అన్నీ చూడండి

ఆరోగ్యం ఇంకా...

కివీ పండు స్త్రీలు తింటే ఫలితాలు ఏమిటి?

హైదరాబాద్‌లో యువత ప్రమాదంలో ఉంది: స్ట్రోక్ కేసుల పెరుగుదల ముందస్తు జోక్యం కోసం అత్యవసర పిలుపు

Fennel Water: పరగడుపున సోంపు నీటిని తాగితే ఏంటి లాభం? ఎవరు తాగకూడదు..?

Banana: మహిళలు రోజూ ఓ అరటి పండు తీసుకుంటే.. అందం మీ సొంతం

అమెరికా తెలుగు సంబరాలు: తెలుగు రాష్ట్రాల సీఎంలకు నాట్స్ ఆహ్వానం

తర్వాతి కథనం
Show comments