కన్నబిడ్డపైనే తండ్రి లైంగిక దాడి... భార్య వదిలేసింది.. రెండో భార్య?

కన్నతండ్రే తన బిడ్డను కాటేశాడు. సంవత్సరాల పాటు బిడ్డపై పైశాచికంగా ప్రవర్తించాడు. కానీ అతడి భార్య ఇచ్చిన ఫిర్యాదు కారణంగా ఆ కామాంధుడు అరెస్ట్ అయ్యాడు. వివరాల్లోకి వెళితే.. హైదరాబాద్ మహబూబ్ నగర్ జిల్లాకు చెందిన రమేష్ అనే వ్యక్తి బతుకు దెరువు కోసం నగరానికి వచ్చాడు. 

నగరంలో బోయిన్‌పల్లిలో ఉంటూ రోజువారి కూలి పనులు చేస్తుండేవాడు. మొదటి భార్యతో విభేదాల కారణంగా విడాకులిచ్చి విడిపోయాడు. అతనికి ఓ పాప వుంది. ఇంకా మొదటి భార్య మరో పెళ్లి చేసుకుని తనకు పుట్టిన కూతురిని తండ్రి రమెష్ వద్దే వదిలి పెట్టింది. 

కాగా రమెష్ సైతం రెండో పెళ్లి చేసుకున్నాడు. కాగా తన వద్ద పెరుగుతున్న మొదటి భార్య కూతురు గత కొన్ని సంవత్సరాలుగా ఉండడంతో ఆమెపై లైంగిక దాడికి పాల్పడుతూ వస్తున్నాడు. ఇలా కొన్ని సంవత్సరాలుగా ఆమెను బెదిరిస్తూ లైంగికంగా లొంగదీసుకున్నాడు. 

ఇక ఈ విషయం ఎవరికైనా చెబితే చంపేస్తానని బెదిరించాడు. అయితే విషయాన్ని గమనించి భర్తను హెచ్చరించినా పద్దతి మార్చుకోలేదు. దీంతో రమెష్ రెండో భార్య పోలీసులకు ఫిర్యాదు చేసింది. కేసు నమోదు చేసుకున్న పోలీసులు రమెష్‌ను అరెస్ట్ చేసి రిమాండ్‌కు తరలించినట్టు చెప్పారు.