గత కొన్ని రోజులుగా వేడి, ఉక్కపోతతో ఇబ్బందిపడుతున్న తెలంగాణవాసులకు వాతారణశాఖ శుభవార్త చెప్పింది. ఈ నెల 16వ తేదీ నుంచి తెలంగాణాలోని పలు ప్రాంతాల్లో వర్షాలు కురుస్తాయని తెలిపారు. ఛత్తీస్‌గఢ్ నుంచి విదర్భ, తెలంగాణ మీదుగా కర్ణాటక వరకు ద్రోణి ఆవరించింది. దీనికితోడు తూర్పు, ఆగ్నేయ దిశల నుంచి తెలంగాణలోకి దిగువ స్థాయి గాలులు వీస్తున్నాయి. ఫలితంగా వాతావరణంలో మార్పులు చేటుచేసుకున్నాయని తెలిపారు.
రాష్ట్రంలోని ఉష్ణోగ్రతలు సాధారణం కంటే తక్కువగా నమోదయ్యే అవకాశం ఉందని వాతావరణ అధికారులు తెలిపారు. అలాగే, ఈ నెల 16 తర్వాత రాష్ట్రంలోని పలు జిల్లాల్లో అక్కడక్కడా వర్షాలు కురిసే అవకాశం ఉందని పేర్కొన్నారు. రాష్ట్రంలోని శనివారం కూడా ఉష్ణోగ్రతలు సాధారణం కంటే తక్కువగా నమోదయ్యాయి. హైదరాబాద్‌లో 32.7 డిగ్రీల ఉష్ణోగ్రత నమోదైంది. సాధారణం కంటే ఇది 2.6 డిగ్రీల కంటే తక్కువ కావడం గమనార్హం.