నా భార్య నాపై కేసు పెట్టింది.. ప్రియుడితో ఎంజాయ్ చేస్తోంది.. రండి సార్ చూపిస్తా..?

హైదరాబాద్.. రామాంతపూర్‌కు చెందిన వ్యక్తి పదే పదే పోలీసుల వద్దకు వెళ్లాడు. తన భార్య మోసం చేసిందని గృహ హింస కేసు పెట్టిందని.. ప్రియుడితో ఎంజాయ్ చేస్తూ.. తనను కేసులో ఇరికించిందని పోలీసులకు చెప్పాడు. ఇంకా తనతో ఇంటికి రండి.. ఆ తతంగాన్ని చూపిస్తానన్నాడు. అంతే అతను చెప్పేది ఎందుకో పోలీసులకు నమ్మాలనిపించింది. సరే పద అంటూ అతనితో వెళ్లారు. 

ఇంటికి వెళ్లిన పోలీసులకు షాక్ తప్పలేదు. బాధిత వ్యక్తి చెప్పినట్లే.. అతడి భార్య మరో వ్యక్తితో సరససల్లాపాల్లో ఉంది. డోర్ కొట్టగానే వాళ్లిద్దరూ షాక్ అయ్యారు. తీరా విచారిస్తే.. భర్తపై కేసు పెట్టి ప్రియుడితో ఆ మహిళ ఎంజాయ్ చేస్కున్నట్లు తేలింది. ఆమెతో వివాహేతర సంబంధం పెట్టుకున్న వ్యక్తి నీళ్లు నములుతూ... భయపడుతూ కనిపించాడు. 

"ఏమ్మా... ఇతను నీ భర్తేనా" అని అడిగారు పోలీసులు. అవునంది. "ఇతనిపై నువ్వు గృహ హింస కేసు పెట్టావా" అని అడిగారు. పెట్టానని చెప్పింది. తాను సిటీలోని ఆ ప్రభుత్వ ఆస్పత్రిలో ఉద్యోగం చేస్తున్నట్లు తెలిపింది. 

ఇలా చేయడం మంచిది కాదని భర్త మందలించడంతో అతనిపై ఐపీసీ సెక్షన్ 498(A) కింద గృహ హింస కేసు పెట్టినట్లు వెల్లడి అయ్యింది. ఇకపోతే.. కేసు నమోదు చేసుకున్న పోలీసులు.. బాధితుడి భార్య, మరో వ్యక్తినీ అదుపులోకి తీసుకొని... పోలీస్ స్టేషన్‌కి తరలించారు. ఇరువైపులా పోలీసులు విచారణ జరుపుతున్నారు.