హైదరాబాద్ నగరంలో తన ఇంటి ముందు ఆడుకుంటున్న చిన్నారి అపహరణకుగురైన ఉదంతం ప్రస్తుతం కలకలం రేపుతోంది. మేడ్చెల్ పట్టణంలోని ఈడబ్ల్యూఎస్ కాలనీలో చిన్నారి అకస్మాత్తుగా కనిపించకుండా పోవడంతో బాలిక తల్లిదండ్రులు వెంటనే పోలీసులకు ఫిర్యాదు చేశారు. అప్పటిదాకా ఆడకుంటున్న చిన్నారి అకస్మాత్తుగా అదృశ్యమైందంటూ వారు కన్నీటిపర్యంతమైయ్యారు.
పాపను ఎవరైనా కిడ్నాప్ చేశారేమోనని తీవ్ర ఆవేదనకు లోనయ్యారు. వెంటనే రంగంలోకి దిగిన పోలీసులు సీసీటీవీ ఫుటేజీ ఆధారంగా బాలిక జాడను కనిపెట్టేందుకు తీవ్రంగా ప్రయత్నిస్తున్నారు. కాగా, బుధవారం పెద్ద అంబర్ పేట్ హైవే చెక్ పోస్ట్ వెలుగు చూసిన బాలిక కిడ్నాప్ ఉదంతం నగర వాసులను ఉలిక్కిపడేలా చేసింది.
బైకుపై వెళుతున్న ఇద్దరు వ్యక్తులు ఆమెను కిడ్నాప్ చేయగా వారి నుంచి కష్టపడి తప్పించుకున్న బాలిక వీధిలోనిలబడి వచ్చే పోయో వారి సాయం కోసం అర్థించింది. బాలిక దుస్థితి చూసినా ఒక్కరూ స్పందించకపోవడంతో చెలించిపోయిన ఓ చేయూతనందించాడు.
హిజ్రా వద్ద ఫోన్ తీసుకున్న బాలిక తన అన్నకు ఫోన్ చేసి జరిగిన విషయం చెప్పింది. దీంతో, బాలిక కుటుంబసభ్యులు, పోలీసులు అక్కడకు చేరుకున్నారు. నిందితుల నుంచి తప్పించుకునే క్రమంలో గాయాలపాలైన చిన్నారిని ఆసుపత్రికి తరలించారు.