కామంతో కళ్లు మూసుకుపోయిన ఓ మందుబాబు అకృత్యానికి ఓ ఆవు బలైంది. ఈ ఘటన నిర్మల్ జిల్లా లోకేశ్వరం మండలంలో చోటుచేసుకుంది. గ్రామానికి చెందిన ఓ స్థానికుడు ఇళ్లు నిర్మించుకుంటున్నాడు. కాగా.. ఇంట్లో టైల్స్ వేసే పనిని ఉత్తరప్రదేశ్కు చెందిన విజయ్ (20) అనే యువకుడు చేస్తున్నాడు.
రోజూలాగే టైల్స్ వేసే పని చేస్తున్న విజయ్.. రాత్రి పూట మద్యం సేవించాడు. మత్తులో ఉన్న విజయ్.. నిర్మాణంలో ఉన్న ఇంటి పరిసరాల్లో సంచరిస్తున్న ఆవును చూశాడు.
విజయ్ను ఆవరించిన మత్తు అతన్ని ఓ సైకోగా మార్చేసింది. తనలో పుట్టిన కామవాంఛ తీర్చుకునేందుకు.. పాలిచ్చే గోవును ఎంచుకున్నాడు. ఇంటి ఆవరణలో కనిపించిన ఆవును లోపలి వైపు లాక్కొచ్చాడు. నిర్మాణ దశలో ఉన్న ఇంటిలోని ఒక కిటికీకి ఆవును కట్టేసి అఘాయిత్యానికి ఒడిగట్టాడు.
బెదిరిపోయిన ఆవు.. తప్పించుకునేందుకు ప్రయత్నించింది. ఈ క్రమంలో కిటికీకి కట్టేసిన తాడు.. ఆవు మెడకు గట్టిగా చుట్టుకోవడంతో ఉరి పడింది. దీంతో.. ఊపిరాడక మూగజీవి మృతి చెందింది. ఈ ఘటనపై రైతు ఇచ్చిన ఫిర్యాదు మేరకు ఆ నీచుడిని పోలీసులు అరెస్ట్ చేశారు.