తెలంగాణ రాష్ట్ర ముఖ్యమంత్రిగా రేవంత్ రెడ్డి ప్రమాణ స్వీకారం చేశారు. ఎనుముల రేవంత్ రెడ్డి అనే నేను శాసనం ద్వారా నిర్మితమైన, భారత రాజ్యాంగం పట్ల నిజమైన విశ్వాసం, విధేయత చూపుతానని, దేశ సార్వభౌమత్వాన్ని, సమగ్రతను కాపాడతానని..’ చెబుతూ తెలంగాణ రాష్ట్ర ముఖ్యమంత్రిగా రేవంత్ రెడ్డి ప్రమాణ స్వీకారం చేశారు.
ఎల్బీ స్టేడియంలో జరుగుతున్న కార్యక్రమంలో ఏఐసీసీ అధ్యక్షుడు మల్లికార్జున ఖర్గే, సోనియా గాంధీ, రాహుల్ గాంధీ, ప్రియాంక గాంధీ, కాంగ్రెస్ పాలిత రాష్ట్రాల ముఖ్యమంత్రులతో పాటు పలువురు ప్రముఖులు హాజరైన కార్యక్రమంలో తెలంగాణ రాష్ట్ర నూతన ముఖ్యమంత్రిగా రేవంత్ రెడ్డి ప్రమాణ స్వీకారం చేశారు.
ప్రమాణ స్వీకార కార్యక్రమానికి అభిమానులు, కాంగ్రెస్ పార్టీ కార్యకర్తల నుండి ఉత్సాహభరితమైన స్పందన లభించింది. LB స్టేడియంలో ఉత్సాహభరితమైన వాతావరణాన్ని సృష్టించింది. కాంగ్రెస్ అగ్రనేతలు ఉండటంతో స్టేడియం లోపలా, బయటా కట్టుదిట్టమైన భద్రతా చర్యలు చేపట్టారు. రేవంత్ రెడ్డి ప్రమాణస్వీకారానికి తరలివచ్చిన జనం హర్షధ్వానాలు, చప్పట్లతో హోరెత్తించారు.
అదనంగా, మల్లు భట్టి విక్రమార్క ఉప ముఖ్యమంత్రిగా పదవీ బాధ్యతలు స్వీకరించారు, గవర్నర్ తమిళిసై ప్రమాణం చేయించారు. కాగా, ఈ వేడుకలో ఉత్తమ్ కుమార్ రెడ్డి కూడా మంత్రిగా ప్రమాణ స్వీకారం చేశారు. ఈ కార్యక్రమంలో 500 మంది కళాకారులతో ప్రమాణ స్వీకారోత్సవానికి హాజరైన అతిథులను అలరించిన సాంస్కృతిక కార్యక్రమాలు ప్రదర్శించారు.