తెలంగాణ రాష్ట్ర సమితి కోమటిరెడ్డి వెంకటరెడ్డి సంచలన వ్యాఖ్యాలు చేశారు. బీఆర్ఎస్ అధినేత కేసీఆర్, ఆయన కుమారుడు, మాజీ మంత్రి కేటీఆర్‌లకు సీనియర్ నేత హరీష్ రావు వెన్నుపోటుపొడిచేలా ఉన్నారన్న సందేహాన్ని వ్యక్తం చేశారు. పైగా, త్వరలోనే కేటీఆర్, హరీష్ రావు, కవితల పేర్లతో భారాస చీలిపోతుందని, మరో 20 యేళ్లపాటు తెలంగాణాలో తమ పార్టీనే అధికారంలో ఉంటుందని చెప్పారు.
అసెంబ్లీ లాబీల్లో ఆయన మీడియాతో పిచ్చాపాటిగా మాట్లాడుతూ ఈ కీలక వ్యాఖ్యలు చేశారు. హరీశ్ రావు చేస్తున్న వ్యాఖ్యలు కేసీఆర్, కేటీఆర్‌లకు వెన్నుపోటు పొడిచేలా ఉన్నాయన్నారు. రాబోయే రోజుల్లో బీఆర్ఎస్ నుంచి హరీష్ రావు, కేటీఆర్, కవితలు వేరుపడి కొత్త పార్టీలు ఏర్పాటు చేస్తారని, దీంతో ఆ పార్టీ నాలుగు ముక్కలయ్యే అవకాశం ఉందని జోస్యం చెప్పారు. ముఖ్యమంత్రి కావాలన్న ఆలోచనలో హరీశ్ రావు ఉన్నారన్నారు.
బీఆర్ఎస్‌లో ఉన్నంతకాలం హరీశ్ రావు కనీసం ఎల్పీ లీడర్ కూడా కాలేరన్నారు. 20 మంది ఎమ్మెల్యేలతో ఆ పార్టీ లీడర్ కావాలని ఆయనకు మంత్రి సూచించారు. 60 కిలోల బరువున్ కేసీఆర్ పులి అయితే, 86 కిలోల బరువున్న తాను ఏం కావాలని అన్నారు. తెలగాణాలో మరో 20 యేళ్ల పాటు కాంగ్రెస్ అధికారంలో ఉంటుందని ఆయన జోస్యం చెప్పారు.