సాధారణంగా కోటీశ్వరుల ఇళ్ళలో వెండిప్లేట్లు, గ్లాసులు, పూజ సామాగ్రి వంటి వస్తువులను చూసివుంటాం. కానీ, తెలంగాణ రాష్ట్రానికి చెందిన కాంగ్రెస్ ఎమ్మెల్యే ఒకరు ఏకంగా వెండితో పడక మంచం చేయించుకున్నారు. దీనికి సంబంధించిన వీడియో ఒకటి ఇపుడు సోషల్ మీడియాలో వైరల్ అవుతుంది. ఆ ఎమ్మెల్యే పేరు అనిరుధ్ రెడ్డి. జడ్చర్ల నియోజకవర్గ సిట్టింగ్ ఎమ్మెల్యే.
అనిరుధ్ రెడ్డి నివాసంలో పడక గదిలో ఉన్న వెండితో తయారు చేసిన బెడ్ మంచం, వెండి డైనింగ్ టేబుల్తో సహా ఇంటి సామాగ్రి అంతా వెండితో తయారు చేయించారు. అలగే, అత్యంత ఖరీదైన రోజ్వుడ్తో సీలింగ్ ఏర్పాటు చేశారు. ఒక విధంగా చెప్పాలంటే రాజభవనాన్ని తలపిస్తున్న ఈ ఎమ్మెల్యే నివాసం.. వెండితో ధగధగ మెరిసిపోతుంది. దీనికి సంబంధించిన వీడియో ఒకటి ఇపుడు సోషల్ మీడియాలో వైరల్ అయింది. ఆ వీడియోను మీరు కూడా చూడండి.